رد: عندما يصبح المجتمع خبيصه !!
نفسي اقول كل السبات الي اعرفها لدولا البنات المختلين عقليا ....
كيف يا بقره تصرفي على ولد !!!... المتزوجه مهي مجبره تصرف على زوجها تقومي انتي تجي تصرفي على واحد من الشارع والى الشارع ..... فين عقلك ؟؟ اوه نسيت انك بقره
لاحد يقول الاولاد غلطانيين البنات هما السبب لو هيا محترمه ما كان سارت الحكاوي دي كولها
و طبعا احد الاسباب الكبت البنت كل شي عندنا حرام حرام حرام حرام (حتى الرياضه حرموها ، اش بقي ابا افهم ؟؟) كل ولد يتخيل نفسو بنت و في عائله جاهله ؟؟ شوف كم مره فكرة الانتحار او انك تهرب من البيت حتراودك ؟؟شوف الغلطه الي كنت تعملها كولد ـو محد يهتم بيها وممكن يصفقولك عليها- اش عقابها من تتحول بنت ؟؟ احسب كم مره تطلع معا اصحابك دحين وكم مره اختك او اي بنت بتطلع معا صاحبتها او حتى تزورهم ؟؟ اعرف بنات يعملو اشياء صح من ورا اهلهم ..ليش ؟؟ عشان العادات والتقاليد اهم من الشي الي اسمو دين
قرات حديث انو محرم الحلال كمحلل الحرام ..... حسبي الله ونعم الوكيل فيهم ضيقو عيشتنا
مقوله مقنعه جدا
(يقولوا ان المجتمعات الغربية تعاني انحلال و انحطاط .... ولا يقولوا ان ما دفعهم لذلك ظلم و وصاية و تسلط الكنيسه)
هل تسمع كلمة "مبادئ " في مجتمعنا ؟؟ اجل شي طبيعي ناس ماعندهم مبادئ اتوقع انو يصدر منهم اي شي بالزات المبادئ الاسلاميه
لازم الاهل يعلمو ويثقفو بنتهم عشان بعد كدا حتى من تكون لوحدها تعرف تتصرف
ترا مو بس الاولاد الي يعاملو البنت كجسد ...حتى اهلها، من يهمشوها في العيله و يكون هاجسهم الاكبر المحافظه على غشاء البكاره لمن يوصلوها لبيت الزوجيه فيضيقو عيشتها
البنت ما يكون لها راي اصلن و حتعتبر كونها بنت غلطه وتقضي ساعات جلستها في البيت في اشياء غلط لا تلوموها علي حتعملو حتدور على واحد يحترمها ويسمعها كلمتين حلوين و يخرجها و يناقشها وياخد برايها يبتسملها كل ما شافها ..... بس للاسف هوا بيستغلها
و في نفس الوقت الاهل يكونو متفتحيين بزياده و مهملين بنتهم و مو مهمه تربية اطفالهم على مبادئ الاسلام فتنتج الفئه الغبيه دي
و ازا لاحظتو في الفتره الاخيره بعض الاولاد يبو يتزوجو عن حب او اتزوجو عن حب ؟؟ ف البنت تجرب حظها قبل لا يطلق عليها المجتمع لقب عانس
بس برايكم مين اكتر ؟؟ الناس الي اهلهم كابتين عليهم ولا الناس الي اهلهم متفتحين بزياده ؟؟
نفسي ادعي عليهم بس خلينا نتخلق باخلاق الرسول وندعي انو ربنا يهديهم ويبعدهم عن صديقات السوء وعن نفسهم الاماره بالسوء
موضوع مستفز و سذاجه وتخلف بعض البنات مستفزه اكتر
|