[الملاك الأبيض]

المشاركة الأصلية كتبت بواسطة &ديم& بنات ممكن مساعدة ممكن تفهموني كيف اكتب الليترتشر ريفيو انا ماحضرت المحاضرات ولا هي راضية تفتح معايا وغيرت موضوع بحثي قبل كم يوم ياريت تشرحولي الباقي كتبت الستيتمنت والبربوز والباقي ماني فاهمة ايش اكتب طيب المذاكرة من الكتاب كيف والله المادة مرة مو مفهومة بالنسبة ليا :(

هلا عزيزتي ديم . اسمعي انت الحين باقي لك 3 خطوات ان شاء الله وينتهي البروبوزال تبعك بالنسبة لخطوة الليتريشتر ريفيو انا شرحتها من قبل ونسخت لك الرد وإن شاء الله يوضح لك :

للي يسألو عن خطوة الليتريتشر ريفيو :

هي عبارة عن دعم الموضوع بالمصادر >>هذه المصادر ممكن تكون من الكتب او مقالاات على النت او تحليل من النت او غيره , هذي المقالاات والكتب مو شرط تكون عن الكتاب نفسه ولكن عن الثيم , مثلا اذا وحدة فكرت تكتب عن ثيم الحب والزواج في قصة جين اير , فلما تيجي تبحث في النت او في المكتبة تكتب ثيم الحب والزواج في جين اير وراح تطلع لك مقالاات وكتب عن هذا الموضوع ونقد الكتّاب فيه وانتي تقدري تستفيدي منها , او ممكن تستفيدي من دراسة ثيم معين في بحثك من خلال احدى الشخصيات وهنا راح تستعيني ببعض التحليل لشخصيات معينة من مواقع او كتب مختلفة .

في الليتريتشر ريفيو المطلوب من الطالبة انو تكتب بارغرافات على شكل ايساي وكلها تدور حول الثيم المطروح في المقدمة يعني حاولو تركزو على الموضوع المطروح , وتقدر الطالبة تكتب رأيها وكلامها وبعدين تجيب اقتباس او سومري لكلام كاتب او ناقد معين من اي كتاب او مقال يتكلم عن نفس الموضوع وتحطه حتى يدعم كلامها , واهم شي لازم تركزو عليه هو توثيق المصدر بشكل جيد عشان مايطلع عندكم سرقة ادبية لأنو بتنكشفو مهما حاولتو فاتحرو الدقة ,,,

تستمرو بكتابة البارغرافات في كل بارغراف فكرة معينة , مثلا زي ماقلنا الحب والزواج في قصة جين اير مثلا انتي بتتكلمي عن هذا الثيم من خلال شخصية جين تروحي تكتبي رايك في شخصيتها وبعدين اقتباس من تحليل الشخصية . وبعدين مثلا بتتكلمي عن الاشياء الي كانت تمنعها من الزواج بادوارد >>اسمه ادوارد على تذكري :) ,, وهذا يكون اول باغراف انو عن شخصية جين

وبعدين تجيبي وجهة نظر المجتمع والطبقية في عصرهم وهذا مثلا يكون ثاني بارغراف . وممكن تكتبي بارغراف عن وجهة النظر الدينية وهذا مثلا يكون ثالث بارغراف , وبارغراف عن وجهة النظر النفسية , وبارغاراف عن الشخصية ,,, وهكذا ولكن المهم ان تكون كل هذي البارغرافات تصب في صالح الثيم الي بتتكلمو عنه ... يعني كلها تحاول توصل فكرتك عن الثيم الي انتي تتكلمي عنه ..يعني مثلا لو ثيم البربوزال عن الزواج والحب فتروحي مثلا تتكلمي في الليتريتشر ريفيو في كل بارغراف تحاولي توصلي هذي الفكرة مثلا في بارغراف الشخصية تقولي انو شخصية جين انها حنونة وتصرفاتها تدل على الحب وتجيبي اقتباس يدعم هذا الكلام .. وبعدين تروحي تدخلي في البارغراف الثاني وتقولي مثلا انو بالرغم من شخصيتها الي تظهر عليها بوادر الحب وانها تريد الارتباط بادوارد الا ان هناك موانع كثيرة كانت تحول بين ذلك من ضمنها التفكير الاجتماعي والطبقية السائدة في عصرهم وتجيبي اقتباس يدعم هذا الكلام وبعدين تروحي البارغراف الثالث وهكذا دواليك ... يعني كل البارغرافات تكون مركزة على ثيمك الي كتبتيه في بداية البروروزال ..

وهذي هي الخطوة باختصار ياعزيزتي اتمنى اكون وفقت في شرحها بطريقتي المتواضعة , وياليت تتطلعو على موضوع البروبوزال للاخت ليتل ستار وان شاء الله بيفيدكم ونزلته لك في المرفقات لو حابة تتطلعي عليه ..

ولكن تنبيه مهم انو في البحث تبع ليتل ستار بتلاحظي انها كانت تكتب تحت اسم الكتب خط ولكن نحنا المطلوب مننا انو نحط الخط مائل في اسماء الكتب لانو هي درست النسخة القديمة من الكتاب فتختلف عن كتابنا فارجو الانتباه .. انت ممكن تشوفي بحثها كتوجيه لما سيكونن عليه بحثك ولكن وقت التنسيق والتوثيق اعرفي انو لاااازم تتبعي خطواتنا الي في السلايدات ..

اما بالنسسبة للمذاكرة ذاكري السلايدات لانو فيها المعلومات المهمة اما الكتاب فهو حااايس على بعضه وملخبط . يصير ذاكري الكتاب وخططي على الاشياء المهمة واكتبي الملاحظات على الكتاب . واتوقع اكثر جزء بتحتاجي فيه الكتاب الي هو جزء الوورك سايتد تبع الفصل الخامس لانو كثير ومعلوماته كثيرة وتلخببط عشان كذا الاستاذة قالت الاختبار اوبن بوك لانو صعب نحفظ كل المعلومات الخاصة بالوررك سايتد في هذا التشابتر فحاولي قدر الامكان في هذا الجزء انو تخططي وتعلمي الاشياء المهمة .. ربي يوفقنا اجمعيين