[الملك الحزين]

السلام عليكم ورحمة الله وبركاته
وكل ما اعرف عن هذه القصيده انها كتبت في ليله كانت من احزن الليالي اللتي مرت علي في حياتي
وان من كتبت له هذه القصيده هو اغلى البشر
اطرحها بين ايديكم واتمنى من الله عز وجل ان تحوز على رضاكم
في ليل هزّيت القصايد والجروح جلال
_________________توجّت حزنٍ كان سبّه ليلة الجمعه
غنيت حزني والعباير تسحب الموال
_______________من كثر مابي من طعونٍ سالت الدمعه
سألت نفسي وش ينزّل دمعة الرجال
_______________حزن وأسى والا حياةٍ كلـــــــها بدعه
رحت لغناتي قلت حالي ما بقا به حال
________________كرهت دنيا ياصبيه كلـــــــها خدعه
من صغر سني ياحياتي والهموم جبال
________________كني يتيمٍ من شقاتــــــــــه فاقدٍ ربعه
رجلٍ شجاعٍ حاصروه مكتفٍ بحبال
________________رجلٍ كريمٍ نور وجهـــــه فاقد اللمعه
كني قتيلٍ دون ذنب مقيدٍ بغلال
________________من كبريائه في مماته ما طلب فزعه
ثم زاد حزني يوم دمعك ياهنوفي سال
______________من كثر حبك ناصرت لك بالحشا قطعه
كفكف دموعك يا محجل ياعريب الخال
______________مادام شعري قال غيرك ما قطف زرعه
قومي تغنّي وانتخيني واقهري الغذال
________________قومي بدربي نوري لي مثلما الشمعه
من يوم خبرك والمعذب ما هدا له بال
__________________يومين وآنا يا وفيه عايف الهجعه
اغلى يتيمه من غلاها مالها مثقال
__________________وآنا ...... عز راسك والوفا طبعه
لو حملوني دون حبك اثقل الاثقال
__________________لو شربوني سم يذبح جرعه بجرعه
مابيع حبك يا ودادي والرجال افعال
_________________ماخون عهدك لو عطوني غالي السلعه
وابغاك تدري كيف غيرك ما تجي بريال
_________________ولو زل كفي واشتراها ينوجب قطعـه
لو من غلاها من حلاها صوّت الدلال
_________________والله ....... من غلاتك ينحجب سمعـه
ياغاليه حبك كبيرٍ له فتن وخصال
_________________حسن ودلال وفوق ذلك عالي السمعه
ياغاليه من كثر حبك جبت لك تمثال
_________________ولو ما اشوفه كل ليله صابني فجعــه
ياغاليه من زود حبك جيت لك محتال
_________________ارقى بنجمك لين دايم يكسب القرعــه
شوفي بقلبي كيف قدرك للابد ما مال
_________________حبك وعزك ثم بنالك داخلـــــه قلعـــه
لدي بعيني واسأليها من غلا قتّال
_________________ثم احضنيني واسعفيني صابني خلعـه
ارويت شعري من جمالك يالوفا ثم قال
_________________بعد العزيزه يا ..... مــــالــــنا بــقعـه
مالي بغيرك من عرفتك ياهوى الخيال
_________________مهرٍ اصيلٍ في جبينه زيّــــــن برقعـــه
صاحت وقالت من عشقني يركب الاهوال
________________وآنا صرخت وقلت غيري ينكسر درعه
وآنا ......في عيونك قاهر الابطال
_________________ياكيف لا وآنا اشووفك دايمٍ شجعـــــه
والله لجعل فوق راسك غترةٍ وعقال
_________________واجعلك شيخٍ بس يامر يشّر بصبعــه
ياهاجسي ياغااااااليه يادنيتي والفال
_________________هذا وعد جالك لحااالك ليلة الجمعـــــه
يحرم علي لاغاب حسك لذة الفنجااااال
________________وهي كلمة اللي لا فقضها مالها رجعه


وسلامتكم

النقط الى في القصيده عباره عن اسمي او اي اسم مذكر يمكن ان يضعه الشخص