[the gold boy]

انا اعتقد اكبر غلط انو الواحد يجيب مدرس خصوصي لانو ازا البداية كانت مدرس خصوصي بعد كدا حيحتاج كمان مدرس خصوصي و لا ما يرتاح الا لمن يدرس مع مدرس خصوصي عشان يفهم لو الواحد يحاول يفهم بنفسوا افضل او يروح لمكتب الدكتور وقت الساعات المكتبية يكون افضل عشان يحس الدكتور انو ايوة دا الطالب بيحاول يفهم و ازا ما فهم الطالب من الدكتور يحاول يفهم من أدفر واحد بالمجموعه

فهذا كلو انا قلتو عن تجربة واحد من الاصحاب و نصحني اني ما اعتمد على مدرس خصوصي و اني افهم بنفسي سواء من واحد دافور بالمجموعه او بمراجعة لمكتب الدكتور و محاولة الفهم على انفراد لان قد يشرح الدكتور بطريقة مختلفة عن الكلاس و قد يكون شرح الطالب الدافور ابسط من شرح الدكتور و نصحني كمان ادور بالنت احيانا من جد الاقي بالنت شرح مبسط و افضل فكل واحد هو و طريقة فهمو و الحمد لله انا ماقد جبت مدرس خصوصي و ان شاء الله ما اجيبوا كمان

و اشكركم على مروركم