[زهور العشب]

بصراحة قمة البراءة
كويس بنت عمتك لحقت عليك في اللحظة الاخيرة ولا كان الحين انتي شهيدة البراءة >>> بعيد الشر
اما انا فحدث ولا حرج
من كثر البلاوي اللي سويتها في طفولتي صرت احس انها دلاخة مو براءة
في اول يوم دراسة في الابتدائي في الصرفة جا ابوي عشان ياخذني من المدرسة
نزل من السيارة ووقف يستناني قدام باب المدرسة
لما خرجت ورحت عنده ما انتبه اني خرجت واستمر واقف قدام المدرسة
فما كان مني الا اني صفيت جنبه على بالي يستنى شي ثاني >>> الحمد لله والشكر
يوم حس ان السالفة طولت جا بيطالع في الساعة و لقيني صافة جنبه وقعد يضحك
طبعا هو مقدر وضعي الذهني و لا كان صارت علوم
ومرة في ثالث ابتدائي دخلت الاستاذة فصلنا وكان فيه ريحة مش ولا بد ما كانت موجودة قبل ما تدخل الاستاذة >>> طبعا مو منها ولكن صدفة وانا كنت عارفة هالشي وقتها
وتعرفون الطفل بطبيعته اللي في قلبه على لسانه و ما يفكر في الكلام قبل ما يقوله
فلما بدأت الاستاذة تتذمر من ريحة فصلنا
قلت بكل براءة (او دلاخة كما اسلفت) : ابلة من اول ما دخلتي طلعت الريحة
ولا انتبهت لحجم الكارثة اللي سويتها الا لما طالعت فيني الاستاذة وضحكت

موضوع روعة رجعني لايام الطفولة
يسلم دياتك اختي هلالية