[خالد9921]

المشاركة الأصلية كتبت بواسطة دارس1431 أخوي خالد حياك الرحمن ^^ عُدنا مره اخرى ونعتذر على القصور ^^

هلا ومليون ألف غلا بحبيب القلب أبو عابد
أبقاك الله يا عزيزي
ولو ولو .. ياخي إنت لو تحط رد بدون ولا حرف .. إنّه كفاني طول وجودي معكم
نوّرت يالغالي

أخوي خالد هل حصل و تنازلت عن قناعه شخصية في سبيل إرضاء صديق أو قريب أو أي إنسان ؟ برأيك ماذا يعني التنازل عن القناعات ؟ جبن أو رجاحة عقل ؟

اي كثير كثير تنازلت
بس للأمانة أتنازل فقط للأشخاص اللي يستحقّون التنازل
يعني الناس الطيبيين اللي واثق من حسن نيتهم ومحبّتهم لي
وبرضو اتنازل عن قناعات بحيث ماهوب تنازل يجيب فينا العيد ومب سهل
لا أبداً مب جبن .. هاذي رجاحة عقل .. وصبر .. ورجولة
وهاذي ايضاً من الاسباب اللي تخليك تكسب بعض الناس ومحبّتهم
لابد من المرونة وأنا أخوك ورجاحة العقل
لكن أهم شي لناس تستاهل + ما يكون تنازل نظامه خربانه خربانه

رأيك بالدين المسيّس ؟ ( يكفيني رؤوس أقلام من فكرك النيّر)

ابشر بعزّك وطلبك هو طلبي
الدين المسيّس .. تلاعب بالدين لا أكثر
مافي شي اسمه دين مسيّس .. هذا لعب بالدين على كيف السياسي لا أكثر ..
مثل اللي يقولك .. الفتاه ورياضة السباحة قدّام الكاميرات .. حريّة المرأة ياخي
مثل اللي يقولك .. إعلام أغاني وعراه ... حريّة إعلام ياخي وش فيك

هنا نقول معليش .. ذا تلاعب بحريّة المرأة اللي توافق عقولنا وديننا قبل عقولنا
وتلاعب بحريّة الإعلام اللي توافق ديننا قبل عقولنا

أخوي خالد ماشاء الله تبارك الله ، سجل دراسي حافل بالإنجازات ، تأملاتك وتطلعاتك لمستقبلك ؟

تسلم ياخوك أبد لا انجازات ولا شي يمكن إنت احسن منّي بكثيير
تأملاتي طال عمرك الحصول على وظيفة جيّدة
والأهم من ذلك مواصلة الدراسات العليا
بالخاطر التواجد كأستاذ لأحد المواد بالكليّة واخذ الطلاب الفائدة منّي كثير ودّي فيها

هذا مالدي لضيق الوقت لم أطلع على بعض الأسئلة ^^ نعتذر منك إذا كانت مكرره ^^

ما أجمل .. وما أروع الذي لديك
ولو يابو عابد .. إنت بالذات لو تعتذر بأزعل كثير
إنت وجودك وربّك لو بدون ولا حرف إنّه أكبر شرف لي
يكفيني تواجدك وتشريفك هنا اقسم لك افرحني هالشي بشكل مقدر أوصفه
لاهنت يا عزيزي ولا عدمناك
وقل آمين
إنّ الله يحقق لك كل أمانيك ويسعدك ويوفقك ويرضى عنك دنيا و آخرة .. اللهم آمين
شكراً كثير ممُتن لشخصك الراقي