[خالد9921]

المشاركة الأصلية كتبت بواسطة المشتاقه لخالقها مرحباً الف شخصيه اكثر من رآئعه للعضو خالد 9921 ماشاء الله عليه

يا هلا .. ومرحباً مليون بالأخت العزيزة المشتاقه لخالقها
شرّفتي الموضوع ونوّرتيه بتواجدك

خالد من جد إنسان متميز ماشاء الله عليك اتمنالك التوووفيق والنجاح

الله يخليك إختي المُشتاقه لخالقها
التميّز هو ذوقكم الرفيع وتشريفكم لي بهالإشادة
اسأل الله أن يوفقك ويرزقك النجاح في الدنيا والآخرة .. اللهم آمين

وحتى تخصصك شوي صعب فوق هذا مايمنعك إنك تثري المنتدى بمشاركتك ومواضيعك المميزة

اي ومهما كان أظل مُقصّر مقارنةً بالكثير هنا
أكثر من سنّة لي هنا وما وصلت مشاركاتي للـ 1000
صدقيني الإثراء ما يكتمل إلا بوجود الرائعين أمثالك
ولي طلب بخصوص التخصص الصعب
هالأسبوع عندي إختبار .. ادعيلي إن الله يوفقني .. لا هنتي

إش تقول للاعضاء اللي يدخلون المنتدى ياخذون اللي يحتاجون من ملخصات وإجابات ويذهبون دون ان يضعو بصمة رآئعه للمنتدى ؟

أقولهم .. لا لا هذا الكلام ما يصير
اممممم حقيقةً البعض فعلاً ما عنده شي يقدّمه للناس
لكن اللي عنده شي بسيط ويسعفه الوقت لا يبخل على أخوانه
سواءً بالأقسام الاكاديمية
لو عندك مُجرد ورقة بسيطة فيها شرح جيّد لمادة
أو تعليمات من دكتور او شي مُساعد بالمادة عموماً ولو بسيط
اذا لديك الوقت والقدرة لا تبخل على المسلمين
العملية هناء عطاء مُتبادل
وإذا عندك قدرة
لازم مثل ما تاخذ من الناس .. تعطيهم .. هاذي الفطرة السليمة
أو حتّى بالأقسام العامة مثل الساحّة
إذا لديك وقت لإبداء رأي أو طرح موضوع مُفيد أو أي شي
لا تبخل على المسلمين وساهم لو بشق تمره في مكان استفدت منه ..
لأن لو الكل بنفس طريقة الشخص الغير مُساهم بالمنتدى لو بأحرف بسيطة
كان ما لقى الإنسان شخص يساعده ويعطيه ملخصات وواجبات ..

اممم ليه اخترت صورتك الرمزيه هذي بالذات ..؟ إش تعبر لك؟

خلّني أقولك شغلة أنا جداً جاهل بهالأمور ومالي فيها ذوق وإهتمام
حتّى بأماكن كثير مثل الماسنجر او الفيس بوك رغم اني ما ادخله
تلقين مب حاط صورة ولا شي مدري ما أهتم
هالصورة اللي أمامكم
تقريباً حطيتها في العيد بعد رمضان بكم يوم
كان معّي شخص عزيز على قلبي وانا اتصفّح المنتدى معه
وشاف اني غلبان ما عندي صورة كويسة وهو ذوّيق بهالشغلات
قال خذ هالصورة وحطّها بلا دفاشة .. قلت تسلم وما قصرت
ومن يومها موضوعة ولا فكّرت أغيرها لاني مثل ما قلت مب ذوّيق فيها ولا مهتم

افضل طريقة لتنظيم الوقت من وجهت نظرك وخبرتك؟

افضل طريقة كشرح بسيط
تنظيم الوقت حسب الأولويّات المهمّة لي
مثلاً عندي مذاكرة تهم مستقبل دراستي كثير
و عندي كمان حضور تجمّع بالجامعة مب مهم جداً .. تقريباً نشاط .. لكنّه مفيد
طبيعي ما راح احضر التجمّع المفيد هذا
قبل تحقيق الأهم وهو المذاكرة .. اذا ذاكرت زين .. راح احضر التجمّع واستفيد


ايضاً إيجاد أوقات ثابتة لعمل النشاطات اليومية لك
كمثال انا يومياً من 3 - 6 المغرب هاذي لازم اذاكر فيها
ومن 6-7 آخذ بريك مثلاً واتصفّح النت
ومن 7-9 ارجع اكمّل شغلات مهمّة ثانية بالدراسة
مع إيجاد وقت مناسب وكافي للنوم والراحة والأكل والجلوس مع الأهل
وهذا الجدول لا يمكن التلاعب في جدّيته أو تغييرها
إلا في الظرف الضروري الصعب للغاية اللي فوق استطاعتك
عموماً إذا عندك مشكلة بتنظيم الوقت
وعندك مجموعة من النشاطات اليومية والمذاكرة تبين تسويها بشكل رائع
اطرحي جميع وكل هالنشاطات والمذاكرة وكميّة المناهج عندك وعددها
في موضوع أو برسالة خاصّة وان شاءالله ما اقصّر واخرج بجدول حلو لك
او عندك كمان الأخت الكريمة د.نورهـ مشرفة نبض الحروف
شاطرة بهالشغلات ماشاءالله وخدومة مع الكل ما تقصّر ربي يعافيها

درس من دروس الحياة تعلمته في حياتك اليوميه والعمليه ؟

من يزرع الورد يلقى وروود
ومن يزرع الشوك يلقى ندامة
الدروس كثير للأمانة لكن اختزل أهمّها في الجملة السابقة

اممم واخبار المطبخ معك ... تعرف تطبخ طبخ يفتح النفس... او اللي ياكل طبخك بيروح فيها ... هههههههههههه....؟

هههههههههههه سؤال حلو كثير
هو ممكن يروح فيها لكن انا متحمّل تكاليف علاجه قبلها
لا حقيقةً انا مُتعدّد المواهب
واطبخ شغلات بسيطة ما توصل للكبسة لكن يجي منّي اذا انحدّيت للطبخ
يعني يطلع من ورايه كُشنه لمكرونة أو شكشوكه
وُممكن اسوي كيك او كراميل وما شابهه بوجود التعليمات عالعلبة
بعدين اعجبكم .. تلقين مثلاً اذا الموضوع فيه كُشنه
ما ارضى بكُشنه كلاسيكية بسيطة مُجرد صوص بس وأنتهينا
لا .. لازم احط فلفل رومي وبهارات لذيذة وجزر مبشور وجُبن لو ينفع !
نحلي الطبخة وتكون أكثر لزازةً
كما أنّي شخص عصامي وكرّيف في التقطيع
يعني أبد تبون أقطع كل خضار السوق أقطعها ما عندي مشكلة ..
ومُجتاز لدورات كثيرة في تحمّل تقطيع أكبر قدر ممكن من البصل

\ واخيراً الله يوفقك ويسعدك يآرب تقبل تحياتي المشتاقه لخالقها وبالله التوووفيق :)

حيّاك ربي وأبقاك إختي المُشتاقه لخالقها
شرّفتي الإستضافة وصاحبها كثير بهالتواجد العطر
أكن لشخصك الإحترام والتقدير ابتداءً من اسمك الجميل اللي يذكرنا بالرحمن
شكراًُ كثيير