[خالد9921]

المشاركة الأصلية كتبت بواسطة the hill ماااا شآء الله تبارك الله م/ خالد ردوده صريحة مقنعه و تجذب اغلب من في المنتدى هذا اذا مو الكل ..

أهلاً وسهلاً فيك إختي ذا هيل .. أختنا وصديقتنا بالتحضيري
نوّرتي كثير بهالتواجد وشرفتي الإستضافة
واقف عاجز عن الشكر أمام إشادتك واتشرّف بها .. من ذوقك هالشي
وألف مبروك عليك تخصص الصيدلة ولو إنّها متأخرة .. ربنا يبارلك ويوفقك .. آمين

ليش ما تجرب تكتب بجريدة o_o يعني ما شاء الله كصحفي ممتاز جدا ؟!

الصحافة السعوديّة ليست حرّة ..
لا استطيع إذا جيت انتقد وضع مادي أو إجتماعي أو سياسي
إنّي اطبّل وانافق وأغيّر الحقائق ويجي رئيس تحرير يقولي حدّك تنتقد لهنا فقط
الباقي لا تقترب منه
ولا استطيع إنّي اسخّر كل قلمي لقضايا النصر والهلال وهالتوافهه
ولذلك في كتّاب مثل خالد السليمان بـ عكاظ واضح من صراحة وواقعية إنتقاداته
إنّه سقف النقد عنده عالي وحاب يتكلّم بكل صراحة وقوّة
لكنّه ممسوك بتوجهات عكاظ الغير حرّة .. وانا ما اقدر اكون كذا ..
فـ فيه قدرة عالكتابة ورغبة عارمة لكن ما اقدر اكون أسير أو مُطبّل

ما رأيك بالاعلام الجديد وهل انت من متابعيه،؟!

أنا كنت اسمع عنه واشوفه باليوتيوب بس ما اهتم له ما افتح المقاطع
بعدها بفترة سمعت عن عمر حسين ينتقد الأوضاع مدري اسمه صح او لا
المهم دخلت وشفته اتس اوك ينتقد بشكل حلو
بس ما عجبني استايل التهريج الغالب عالمقاطع ..
الشعب والوطن مب مُحتاجين كميّة تهريج كبيرة مقابل كمية نقد بسيطة ..
اروح اشوف عادل امام اصرف واضحك لين بكره ..
برضو شفت هالمدعو ( ايش اللي ) .. وهذا بصراحة انصح الكل ما يشوفوه أبد
سخافة وتهريج وعبط وتميلح ومضيعة وقت على هبل
ما عمره تكلّم في شي حسّاس يهم الوطن ويحترم عقول المُتابعين

اللي لابسين بوكسر واساور لسّه فيه او انقرضو .. ومن هالسواليف وشاكلتها .. !
وهذا شكله مدري كيف وهذا يطارحنا باليوتيوب وهو فاشل .. وش هالسخافة بربّك ؟؟

هاذي الافكار اللي يطرحها لعقول الناس ولذلك اكرهه برنامجه جداً لانه استخفاف بعقلي
واذا هالضحك والتهريج قلتها سابقاً فنانيين الكوميديا يا كثرهم بيوتيوب وابطل منه بكثير !
جداً اكرهه برنامجه بشكل فضيع عقلي وإحترامه فوق كل شي ..
مؤخراً طلع واحد كويّس .. يطبعون حق الواد هذا الشيباني
وبغض النظر عن مين يدعمه لان جاتني معلومة سيئة مب متأكد من صحتها للأمانة
هذا البرنامج جيّد ورائع مُسخّر كله ومتعوووب عليه كثير
والروعة مب في انتاجه الجميل والجهد المبذول
الروعة كمان في احترام عقول الناس ..
كل البرنامج ينتقد الاوضاع بالبلد بكل زواياه فيما يهم الناس ومصالحهم ..
بس لو يفكّونا من الاغاني اللي تنحط احياناً الله يهديهم علشان نقدر نرسل مقاطعهم وكذا ..
نبي نوعية برامج زي كذا تلامس الجرح وتفتح عقول الناس
مب تهريج وعبط وتميلح مثل هالتعبان ايش اللي ..

عاد أحلى شي تدخل فجأه عاليوتيوب وتلقى احد هالبرامج قدّامك
وفجأه تشوف صاحب لك بالمتوسطة والثانوية صار يمثّل فيها !!
لحسّة مخ ذاك اليوم وايقنت انه زمن الغرائب وتوقّع أي شي

تحرص على قراءة مقالات مَن مِن الكتّاب ؟

الكُتّاب الصحفيين المُخلصين سُجناء لسقف النقد
لكن لا بأس فيه بعضهم يحاولوا يلامسوا هالسقف قدر المستطاع
منهم خالد السليمان في عكاظ اذا كتب عن أزمة عندنا يقترب من الوتر الحسّاس

سؤال تمنيت ينطرح ولا احد سأله للحين :p؟؟

لا اللي انسأل كويّس ويكفي لسنوات الله يسعدكم < هذا اللي خايف

مشكورة كثير إختي ذا هيل نوّرتي
لا هنتي ..