هنا النقطه اللي انتي فيها غلط، يعني ازا جاكي وظيفه وراتبك اقل من 1500 ما تاخديها بالعكس لما تتشغلي مع راتب اقل في البدايه راح يكون عندك خبره وعندك توصيات من جهه العمل, ولما تشتغلي من راتب اقل ويشوفوكي انسانه مره مجهوده وكويسه راح يرفعوا مستواكي وراتبك راح يزيد.
شكرااا لك ....
بس أنا لما رافضة الراتب القليل لاني ابغى احسن وضعي المادي وما اشتغلت الا لاني محتاجة أكثر من ذا المبلغ ..وكمان لما اشتغل ب1500 زي ما تقولي يعني زي راتب الشغالة والسواق عندنا ايش الي راح استفيد منه نص المبلغ للسواق .. 
بتقولين الخبرة بس أنا لو وضعي المادي كويس اقول يمكن اخذ خبرة لكن بصراحة يا اشتغل واحسن وضعي المادي يا ما اشتغل !!
وهذا ترى حق من حقوقنا لما نطلب راتب معقول مو راتب شبة معدوم ... 
الشباب وهم معاهم ثانوية ما يقبلوا بالراتب هذا ليش احنا نقبل فيه وهذا كمان غلط مننا .. 
|
سامحيني انا مو قصدي اهاجمك، هوا صح كل شخص لهم ظروف وكل واحد يحب يستقر وضعوا المادي والوظيفي والمستقبلي، في اوقات لازم تضحيه0
انا بالصراحه احس 1200 - 1500 ريال كبدايه رزق من ربنا، معروفه لما الواحد يتوظف مايوصل اكتر من 1600- 1700 ريال.
تخيلي اللي اتخرجوا طب و صيادله قاعدين في البيت ، واللي متخرج طب اسنان دحينه بيشتغل عسكري.
بالصراحه الاحساس لما الواحد يقارن راتبوا مع راتب شغاله ومع سواق كده مو حلو، ترى فيهم ناس مثقفين متخرجين عندهم شهادة بكالوريوس وماستر لانو كان عندي شغالتين ماشاء الله عندهم شهادة بكالوريوس وحده فيهم اخصائيه تغذيه كانت تساعدني في الدراسه والثانيه اعتقد هيا اخصائيه تقنية معلومات ماشاء تعرف تصلح جوالات0 وكان رواتبهم 1500 ريال في البداية وهما سارو شغالات ليهم 3 ولا 5 سنوات موقادرين يلاقوا وظيفه في دولتهم0
تخيلي تشتغلي مع شركه وراتبك في البدايه 1700 ريال ، مايحصل لك ترقيه وتشتغلي نفس المرتبه طول حياتك " شركة ارامكو جدة ". ونفس الشركه بس مقر تاني راتبك 1700 ريال بعد 5 شهور سار راتبك 2500 ريال ورفعوا مستواكي " شركة ارامكو في الدمام".
انا عن نفسي راح اشيل تفكير الناس من رأسي من ليه راتبي اقل من شغاله ولاسواق ولا عسكري و طلاب الثانويه يطلبوا راتب كتير. اعيش في عالمي الخاص مرتاحه واحط ثقتي وامل في ربنا.
النهايه ربنا كاتب كلو شيء. وان شاء الله ربنا مايضيع حق احد في دي الدنيا ، وازا حقوقنا ماجات ان شاء الله ترجع في الاخره(لَئِن شَكَرْتُمْ لأَزِيدَنَّكُمْ)
الله يوفقك