[asma'a]

^

يختي انا اكثر وحدة ماتوقعت اجيب معدل زي الناس :p ..

بس صدقييييييييني اذا ربك قال لشيء كن فيكون

غبت عن اختبار احصاء وبقدرة قادر دخلت اوراق الطالبات في آلة التصحيح وماخرجت ..!! وسوو اعادة للطالبات ع أساسو .. ولا كانو حيدبلو درجة كويز 2 ..

الانقلش .. كانت كتبنا غير عن كتبكم :p .. ترى كتبكم مرررة دلــــــــــــــــــع ^^..

احنا كان 5 كتب .. وأسوء واحد فيهم حق الفوكابلوري .. كانت كلها فوكاب لأشياء شركات وهيك وصناعة وزراعة وأشياء ماتستخدم عادة :p ..

واختباراتنا كانت شيء خورافي :p ..

وطبعن لما نزلت الدرجات انفجعت وفرحت في نفس الوقت هع ..

يعني فرحت لأني توقعت أسوء بس جات أحسن من توقعي بشويات :p ..

وبعدين حطيت رغبتي كلية طبية .. وتخيلي كانو طالبين في الكيمياء اقل شيء b+ .. والحمدلله جبتها :P .. يعني لو جبت b كان حلمت بالكلية :p ..

يعني شوووفي قد ايش التيسير اللي صار من ربنا

الحمدلله دخلت اللي اباه بس حولت حاسب .. لأنو دا اللي مكتوب ليا :$ ..

فيعني مهما لفيتي ورحتي وسويتي حتدخلي المكتوب ليكي :$

بس طبعن لازم تشدي حيلك أكثرر لأن دا الشيء مو حلو :p ..

انا ع السمستر الثاني في التحضيري شديت حيلي الحمدلله والنتايج كلها ارضتني ي ربي لك الحمد

لأن المفروض احنا نتوكل ع ربنا مع الأخذ بالأسباب :$

يالله نسيم خلينا نشد حيلنا :$

ي رب تخلصي التحضيري ع خير وتبشريني بالتخصص اللي دخلتيه برغبتك وميولك :$

وقبل دا كلوو لا تنسي انو لا يغير القضاء إلا الدعاء :$

بالتوفيق حبيبتي

دمتـِ بخير