[روح النجاح]

اللي فهمته منكم يا بنات إنهم منعونا لدخول الجامعة من كل البوبات ما عدا شمالية 1 >> صح فهمي للموضوع كدا لأني مش مهتمة بقراراتهم ..

تاني شيء بالنسبة لي ما شكّل الموضوع أي أهمية ولا فرق معي لأني أساسًا أدخل وأخرج من شمالية 1 من عهد جدي
وجلست أقول البنات بالغوا وايش اللي حملة واضراب وووو يعني مرررة قضية لما تغيري بوابتك أو تلتزمي ببوابة وحدة ..

إلى أن تذكرت إحدى أيام الاختبارات بالتحضيري اخوي شوي تأخر علي ولما قرّب لشارع الجامعة قفلوا شمالية 1 وقالوا لي توجهي للبوابة اللي قبال هايبر >> مدري ايش اسمها خليت حقت الأمن توصف لأخوي
المهم والله العظيم إنه مششششوار لما جاني أخوي خلوه يمتر الحدود تمتير , لحد ما رجعت البيت ع الساعة 11 إلا شوية وأنا اختباري خلص 8 وع تأخير اخوي يمكن 9 إلا ربع كدا يمكن
تخيلوا من الشمالية 1 لبيتنا يمكن تلت ساعة إذا مررة الطريق زحمة .. لكن خلوني أخرج من ديك البوابة وأخذننا وقت للرجعة ..

فحسيت فيكم وفي أهلكم والمسكين اللي حيوصلكم (أب / أخ / زوج / ابن / سائق .....) خصوصًا إننا ما ننسى إنو في بنات كثييير ساكنين شمال جدة يعني يضربوا مشواار مزبوط للوصول لشمالية 1 والعودة منها ..

فالله يعينكم من قلبي الله يفرج عنكم ويتراجعوا عن دا القرار ..

..