[الصقر 02]

- فضفضه -

شيء محيّرني فعلا :

في الجامعه أو في اي مكان اذا قابَلَنَا شخص أنا وأخوي أول سؤال بعد السلام

[ أنتم توأم ؟ ]
لا , بس أخوي حاب يقلد وجهي
يعني شايفنا بارك الله فيك مع بعض والشبه 99 % تسأل ليش ؟ يعنني ما اعرف

أنا اعتقد انهم يعرفون بس يخونهم الكلام فـبدل ما يقولون [ ما شاء الله توأم الله يحفظكم ] يقولون[ أنتم توأم ] < يسلّك لهم

لا , والأدهى من ذلك ان اغلب الاشخاص الذين نقابلهم بعد ما تطيح الميانه معاهم يبدؤون في التحقيق

وأول سؤال في التحقيق [ أنتم تمرضون مع بعض ؟ ] << ما لهم حلّ والله

يعني ما لقيتوا الله يحفظكم الا هالسؤال قلّـت الاسئلة يعني

بس الصدق ان الكلام صحيح يعني ما اذكر ان اخوي مرض وانا ما مرضت او العكس
حتى في النظر فصّلنا النظّاره سوا < ابو اربع عيون

بعض الاحيان يجي يطقطق على روسنا أخوي الصغير ويقول :
[ يلـه كل واحد يفكر في شيء ويقولّي من دون ما يعرف الثاني ] يبغى يشوف هل تفكيرنا واحد

أحيان يكون التفكير في نفس الشيء فسبحان الخالق

والله يستر وش تطلع هالفضفضة