[gardenia]

المشاركة الأصلية كتبت بواسطة الوفاء المجروح السلام عليكم كيفكم صبايا ابي فزعتكم الله يخليكم انا من برا جده وعيا يتضبط جدولي على اللي ابي بس بقولكم وش اللي قدرت انزله للحين وابي رأيكم في المواد واللي يعطوني اياها وبللللليز اللي عندها خلفيه عن اللي اسألتهم مقالي تقولي لاني بأهرب منهم ما احب المقالي ولا تطولووون ابي رأيكم كللللللللللكم دراسات ادارية معاصرة _ أمل تركستاني أقتصاد كلي _ لبنى ابو العلا تحليل كمي _ حاجه الأمام نظام سياسي سعودي _ خالدة السيد وكمان ودي اضيف ماده حره اللي هي علم نفس نموو وطبعاً باقي لي مادتين شوروا علي وش أخد لان الاودس المعفن مو مطلع لي الا مواد محدده بس بضيفها من الجامعه

أهلين حبيبتي سامحينآ على التقصير

درآسات إداريه معاصره أنا اخدتها الترم الماضي صراحه ماده جدا طوويه لكنها حلوه

تاخد وقت طويل في المذاكره أنصحك تبدأي فيها من بدري وبالنسبه للمقالي أنا اخدتها مع ريم مشاط

وماكان في مقالي .. لكن ماأدري مع أمل تركستاني والله ماعندي فكره إن شاء الله البنات

اللي ماخدينها يفيدوكي ..

إقتصاد كلي من أروووع المواد العلميه اللي أخدتها أتعب أقولك سهله وماتاخد 3 أو 4 أيام في المذاكره بس بتركيز :)

بالنسبه لـ لبنى أبو العلا انا ماجربتها بس كتير بنات يمدحوها ..

تحليل كمي كمان ماده حلوه بس يبغالك تفهمي مع الدكتوره أول بأول ..

دكتوره حاجه الإمام رآآآآآئعه خدي معاها وإنتي مغمممضه أنا أخدت معها إقتصاد كلي

بس أهم شي تكتبي معاها كل كلمه بتقولها لأن أسئلتها ماتخرج عن اللي هي بتشرحوو :)

نظام سياسي أنا آخداها معاكي دا الترم وأستاذه خالده الكل يمدحها إن شاء الله ربي ييسرها ونتوفق فيها ..

بالنسبه للماده الحره ماأعتقد إنك تقدري تضيفي علم نفس النمو لأنو اللي أعرفه إنه لازم المواد الحره تكون من قسمك ..

يعني من إداره عامه وبس ..

في مواد حره كتيره البنات بينصحو فيها زي خدمه صحيه وعلاقات عامه وتمويل صحي ..

شوفي إيش يناسبك وموووفقه يآرب أتمنى أكون أفدتك