[سندريلآ]

حسبي الله ونعم الوكيل .. درجتي هي 78 وما ابغى افتح باب لكلمة لو
لكن ياجماعة اقسم بالله ان الجزء السماعي ماسمعت منه غير 3 قطع الأخيره فقط لاغييييير
و السبب مو بس بردائه الصوووت لا والله اسباب ثانيه مضحكه
تصورو كنت جالسه بالخلف وعدد المشرفات لا بأس فيه لكن زي قلتهم
كل وحده تفتي من عندها .. لخبطونا بشكل غير معقوووول
والأخت اللي تراقب صفي ما اختارت تدقق بياناتي إلى وقت ما اشتغل الكاسيت
وللأسف ماكنت مكمله كتابه ونسخ الإقرار .. والله العظيم وقفتني وقالت اكتبيه الآن
وشككتني في صحة تظليلي للإسم!!
كل هذا وورقة الإجابه بيدها وانا لاحول لي ولاقوة
الإختبار بادي والكاسيت مشتغل طلبتها تبعد عني وتخليني اسمع وسوت شوشره
ونادت مشرفه ثانيه وهددتني بأنها ماراح تعطيني وقت بعد نهاية الإختبار عشان اكمل بياناتي
واتهمتني بالتقصير واني بالمفروض كملتها قبل بداية الإختبار!
طيب ايش ذنبي اذا نظر رئيسة اللجنه محدود على اول 10 كراسي قدام عينها
والله ياعالم ان الفوضى كانت تعم القاعات اللي قدام بدأوا ببياناتهم واللي ورى مازالو ينتظرو
أقلام الرصاص وبعض صفوف كانو مايزالو بدون كراسات!!
طبعآ هذا غيض من فيض

غير ان الإختبار مجحف والجزء السماعي عليه اكبر الإنتقادات
ياريت لو يعيدو النظر بمن يشرف على اختبارات قياس او يعطوهم دورة او يعقدو لهم ورشة عمل
تسبق مواعيد الإختبار عشان يكون عندهم فكره عن طبيعة الإختبار وانه مو بس اختبار جامعه
وحطي عينك بورقتك ولاتطالعي بزميلتك ومن هالأمور اللي المدارس بطلو يدققو فيها


ماكنت رايحه اكتب شي ومن بعد اختبارنا بالكفايات لاحظت تعدد المواضيع لكن رد الأخ ابراهيم
اللي نفس قسمي وجايب درجه 81 وماباقي له شي .. جدد القهر عندي اضعاف مضاعفه
حسبي الله ونعم الوكيل .. ماني مسامحتهم لأن الموضوع مو بس اختبار ونعيده لا والله اكبر