رد: طالبات بحث وتدريب ..الدكتورة خديجة زكي ..هنا التجمع
تطورات اليوم
اليوم زي ماقلت لكم الي تبغى مدرسة حكومية تأخذ الموافقة
وبعد كذا تروح لمركز التطوير الي قريب من مجمع مدارس الأمير سلطان
وتروح للأستاذة عفاف عطاس الله يجزاها كل خير أنسانه بقمة الاخلاق والذووق
وراح تكتب خطاب للمدرسة وتوقع أنو تشتغلي بس بلأعمال الأدارية عشان تستفيدي
ولمدة 60 ساعه على الا تشارك بلحصص المدرسية
و أستاذة هدى معاها بنفس المكتب راح تسألك كم يوم تبغي تداومي في الدرسة انا اخترت الأسبوع كله لانو انتساب وماعندي شي ابغى اخلص
وبعدين تنزلي تحت وتوقع أستاذة ابتسام
وبعدها تروحي لأستاذة سعاد وتعطيكي رقم وتكتبة في النموذج الثاني
وتروحي للمدرسة وتباشري دوامك
..
وبعد كذا رحت لدكتورة خديجة
وقلت لها الموضوع الي أبغى اكتب بحثي عنو
وقالت حلو الموضوع
وسألتها متى موعد الأجتماع عشان أقدر اكتب البحث
قالت تعالي الأسبوع الجاي يوم الأربعاء وراح أحدد وقت عشان يكون بداية الدورة عشان الي موجود هنا يتدرب يقدر يحضر الدورة
..
وسألتها البنات الي خارج جدة كيف يدربو قالت يدربو في نفس المكان الي هما فيه الي من الرياض تدرب في الرياض والي من الشرقية تدرب في الشرقية
والي موظفة جهة عملها ترسل تقرير عن الموظفة لدكتورة وماهي مطالبة بتدريب لأنها على طول موظفة وفي قلب الحدث زي ماتقول
..
بأذن الله اول مايتحدد وقت الأجتماع حقولكم الأسبوع الجاي مافي اي أجتماع بس على الأغلب حيكون الأسبوع الي بعد الجاي وموفقين يارب
^^ اي سؤال انا في الخدمة
والكل يدرب من الحين لنو مافي وقت
|