كلمت الدكتور الساعة 1 ونص
الحديث اللي دار بيني وبين الدكتور هو كالتالي ..
الدكتور : نعم
انا : السلام عليكم .. مساء الخير دكتور
الدكتور : عليكم السلام .. مرحبا
أنا : دكتور انا طلاب أنتساب وسجلت عندك في مادة البحث وهذا أسمي
الدكتور : طيب لحظة .. أيوه اسمك فلان بن فلان الفلاني .. ورقمك الجامعي ......
انا : نعم يادكتور .
الدكتور : يا ولدي أنت متاخر وأنا ماني مسئول عن التاخير هذا لك شهر وينك ..؟؟
انا : يادكتور الشعب مافتحت الا امس وطلعت اسماء الدكاترة عندنا .
الدكتور : اسمع انت من وين .
أنا : من الشرقية
الدكتور : يعني بعيد .. شوف اتصل على خوارزم وخليهم يرسلوا لك المفردات واذا مافهمت شي اتصل علي .. مع ان المفردات واضحة ..
انا : طيب يا دكتور .. كيف طريقة البحث
الدكتور : في كتاب تقرأه وبعدها تشوف موضوع معين وتقرأ من المجلات اللي موجودة في المفردات وتقرا مقالين بس وتنتقد المقالين حسب الطريقة اللي انا موضحة في المفردات وبعدها تكلمني لان خطوات البحث عندي 10 خطوات .. تختار مشكلة في العمل عندك وتبدأ فيها وبعد ماتكتب المقدمة تراسلني عشان اقولك كمل البحث .. وبين خطوة وخطوة تتصل علي ..
أنا : ابشر يا دكتور إن شاء الله
الدكتور : شوف يمكن وسائل الاتصال بيننا يكون فيها مشكلة لازم نتواصل ..
انا : في هذي اللحظة انا أنلحس مخي وشلون ؟؟؟ .. طبعا سويت نفسي فاهم وأظن قصده اذا مارديت عليك أزعجني لين ارد
..
الدكتور : ربي يوفقك يا بني ..
هذا مادار بيني وبين الدكتور حامد الدوعان ... طبعا بإنتظار المفردات من احد الاخوة في جدة