[asma'a]

المشاركة الأصلية كتبت بواسطة طبيب القلوب نحتاج نعرف طبيعة المواد + الوظائف اللي ممكن نشغلها لما نتخرج لأي قسم في الحاسبات + المهارات اللي لازم ننميها قبل لا نخش الكلية يعني مثلاً ( تحتاج لغة انجليزية بطلاقة ؟؟ أو تحتاج مهارات ممتازة في الرياضيات ؟؟ أو ... أو .. إلخ ) + عدد المواد في السنة الأولى + أفضل الملخصات ( إن وجدت ) ،،، و يعطيكم ألف عافية على كل مجهوداتكم

ي شيييييييييييييخ ينصر دييييييييينك <== سارقتها من خالي

كذا التفاعل ولا بلاش

وأبشر بعزك ^^..

وان شاء الله مايجي وقت اختيار التخصصات الا واحنا مجهزين كل شيء .. بس قول ي رب ..

وبالنسبة للملخصات .. بإذن الله حيكون فيه موضوع مثبت لفهرسة القسم في بداية السنة الجديدة ان شاء الله عشان يسهلكم الوصول للمواضيع المفيدة والملخصات المطلوبة..

بالنسبة للوظايف اللي ممكن تتوظفها عندي بروشور من الجامعة موجودة فيه وان شاء الله اذا اسعفنا الوقت .. حنسوي عملية بحث ع التخصصات المرغوبة في الشركات الكبيرة .. يصير الواحد يدخل التخصص وطموحوو يشتغل في الشركة الفلانية .. وي رب كلكم توصلوو للي تبوه ^^..

وبالنسبة للانقلش .. تحتاج مهارة متوسطة ^^.. مش لازم تكون بيرفكت .. بس لازم تعوض النقص دا بالترجمة أول بأول .. عشان وقت الاختبار ماتحوس وتحس بالضياع .. ولوو كان عندك فرصة تحسن اللغة حيكون أفضل ^^..

وبالنسبة للرياضيات .. قسم علوم حاسبات هوا الوحيد اللي ياخذ مستوى ثاني من الرياضيات ^^.. لإن اعتمادو الكبير ع البرمجة وكيفية التفكير وتحليل البرامج وهكا ^^.. والرياضيات والعمليات الحسابية امبروتنت في القسم ^^..

وعندنا مادة اسمها تراكيب متقطعة .. اسمها العلمي .. discrete math .. وقالت لنا الاستاذة انوو فيها بعض الاشياء من الاحصاء وهيك .. عن المجموعات وكذا .. وطبيعة المادة للحين انو كيف تحول الجمل الانجليزية لعمليات رياضية ^^.. وللحين الحمدلله سهلة ومافيها اي صعوبة

والباقي حيتم توفيره بإذن الله ^^..

بالتوفيق أخوي ويعطيك العافية ع التفاعل وربي يجعلو في موازين حسناتك ^^..

دمتـَ بخير ^^..