حبيبتي مافي سحب عصب من جلسة وحدة ، دا شي مستحيل
هي العادة على 3 جلسات ,,
شوفي الاولى يقطع العصب ، وممكن بعدها تحسي بالم ، وترا لازم الابرة ، وبعدها محا تحسي بألم مرة , ويحطلك حشوة مؤقتة
( اخر مرة سحبت عصب بعد ما قطعو من كتر الالم روحت اخدت ابرة فولترين بس مو دايمن يسير كدا )
عمومن ، بعد اسبوع ، تروحي يدخلك المسامير ديك ، واصلن حيكون العصب ميت ، يعني محا تحسي بأي حاجة ..
وبعد اسبوع حتروحي المرة التانية ،، ويحطلك حشوة مؤقتة
وبعدها باسبوع ترجعيلو يحطلك الحشوة السابتة ,,
ايميي يا قلبي مافي احد يكره دكاترة الاسنان قدي لاكن صدقيني الموضوع بسيط بس انتي شكلك ما اتوفقتي في الدكتور اللي عملتي عندو المرة الماضية ،،
نصيحة : لا تروحي عند دكتورة .
اما دكتور مرة تمام ,,
انا سحبت مرتين ، في الامجاد اللي في الربوة .
مرة عند دكتور عماد ، ومرة عند محمد وهبة . ( مصارية )
وكل واحد احسن من التاني و انصح بيهم :)
معليش طولت عشان تستفيدو من تجربتي ,,,