[ام حمدان]

المشاركة الأصلية كتبت بواسطة راغده بنات انا ارسلت لمس جميله عشان تضيفلي العلوم والادب مع العلم انو عندي ريدنق2 بس حملته اكثر من مره الموهم الله يسعدها حطت لي علوم بس اعتذرت عن الادب وقالت فيه تعارض بينه وبين الريدنق2 بس اضافت لي علم اصوات مع العلم انو لسه ماخلصت الفونتكس ينفع هي والله اضافتها مدري ليش؟هذا السؤال الاول السؤال الثاني خلاص كذا تثبتت الشعب والاممكن يفتحون شعب ثانيه لبعض المواد؟وبس والله ادري فيكم كل ماشفتوا اسمي تعقدتوا بس اشتكي بس والله اني تعقدت انا من حالي وجالسه ابذل جهد فوق استطاعتي وإن شاء الله تتحملوني حبتين وشكرا

عزيزتي

خذي راحتك في الاسئله ولامافيها غلبه ابداً :)

طيب جدولك الان
علوم--ريدنق-علم اصوات فقط ؟

طيب شعبه كم حطتك في علم الاصوات شعبه 1؟

وهي مااضافت لك فونتكس لانه تتعارض مع ريدنق 2

بس حاولي عالاقل تقري شابتر 4+5 في كتاب اللغويات وتراجعي منه اساسيات الماده حتى يسهل عليكي فهم الماده شوي لانها تعتمد عالفونتكس

اما عن الشعب عالارجح نعم انها ثابته ولو حيفتحوا شي بيكون وهمي وللخريجات والله اعلم

موفقه يارب

المشاركة الأصلية كتبت بواسطة i still feel ya اوم حمدانو..+ روزي+ نور..وشحتونني يابنات.. يابنات سؤال .. ممكن اخد المودرن..مع انو باقي حبيب البي شيكو باقي مااخدتو بسبب ايمان .. شايفتو شايلين الاحمر عنو,,لايكون بسبب يوم الاحمر العالمي و متا اقدم ع تغيير الحاله ع متوقع تخرجو..يكون باقيلي اقل شي كم ساعه؟؟ مين بدور+ حصه...قلبي يوجعني مافيا اجازف واااه الجدد دولا في شيكو..يا بنات لسا ما سددت ولسا ماقررت ازا هكمل ولا لاء... سؤال جديد..اقدر اضيف دراما و شكسبير..او شكسبير واسحب ع الدراما..ما ابغا ايمان ..+ دعواتكم..كنت ع شافا حفره اني اسحب ع ابو الجامعه ..ولسا في الموال دا:"((

وانتي اكثر والله

معوضه يارب ماتضيق الا وتفرج وخلاص هانت قربتي تخلصي ربي ييسرلك ماتبقى لك وتعديه باعلى درجات

بالنسبه للمودرن اتوقع تقدي تضيفيه اهم شي تكوني اقلها درستي مادتين ادبيه اغلب الي اشوفهم اخذوه شفتهم درسوا مادتين او 3 ادبيه قبله ومو شرط تكون شكسبير منهم

بس الي ماتقدري تاخذيه الا بعد ماتنهي الدراما هو شكسبير :(

فلازم تخلصيها اول وربي يعوضك هالمره فيها بدرجه عاليه استخيري وفكري

بالنسبه لمتوقع تخرجه على مااظن اقصى شي لو بقي لك 21 ساعه تقريبا ممكن تعتبري خريجه

عموما لو دخلتي على ايقونه متوقع تخرجه وقالك ماتقدري تستخدميها فمعناه باقيلك اكثر وماتعتبري خريجه اما لو وافق وقالك متوقع تخرجه معناه خلاص تعتبري خريجه


بالنسبه للاستاذات الجدد ماعندي فكره عنهم بس اكتبي اسمائهم في خانة البحث المخصص تبع المنتدى وشوفي ايش يقولوا عنهم


موفقه وربي يسهل امورك ونفرح بتخرجك قريب