[المهاتما تسونامي]

لاااااااااااااااااااااااا لاتاخذي مع نعيمة بوقري انا ماعرف عن المادة شي ولا عندي خلفية عنها لكن نعيمة حطي عليها او شطبي عليها شطب نهائي

انا اقولك ايش السهل بالنسبة لي انا بحوث عمليات bus322مادة علمية كلها حساب وفيه جزء نظري بسيط اذا تحبي الرياضيات وكذا خوذيها مع امل تركستاني شرح روعة ومادة حلوة وممتعة وحقانية بالتصحيح لكن يبيلك تتمرنين عليها من ناحية حلك للتمارين لانو كثير بنات يدخلوا الاختبار مايسعفهم الوقت فيطلعوا يسبوا بالاستاذة وهيا مالها ذنب وكمان كل المسائل انتي تحلينها بيدك مافيه اجوبة وانتي تختارينها فيها رسم بياني ممتع .

كمان فيه هالسمستر ثقافات متعددة bus476مع فهد العيتاني مررة يسهلك المادة واصلا المادة على الكلام الي قريته عنها حلوة وكلها ملزمة ماتتعدة 140 صفحة اتوقع
لكن تختلف مع غادة بفلح لانو غادة تلتزم بالكتاب اما فهد العيتاني منزل ملزمة موحدة ويعتمد عليها ومايطلع منها انصحك فيها خاصة انو الاستاذ فهد قليلة بحقه كلمة راااااااااااائع

كمان فيه مشاريع صغيرة مع خديجة ضباب bus401المادة سهلة انا ماخذتها بس كثير قريت عنها انها حلوة وسهلة ومع خديجة اروع بغض النظر عن اسلوبها الي كثير بنات يتنرفزوا منه بس خليك من اسلوبها وشوفي للمهم والاهم الي هوا الاسئلة مرة واضحة مع خديجة مافيها لف ودوران وكمان استاذة حقانية وتخاف الله بالتصحيح تعطيك حقك ماتزيد ولا تنقص

اخذت محاسبة حكومية acct231 تعتبر حرة اتوقع لمساري ومسارك كمان مادة حلوة وممتعة نفس كلامي ببحوث عمليات يبيلك تمرنين يدك عالحل لانها حسابية اذا بتاخذيها خوذيهاا مع انيسة او مي الثنيان والباقين ماعندي خبرة عنهم

كمان فيه تمويل صحيecon431 كثير تكلموا عنه انها مادة سهلة مع الدكتور احمد السيد وانا منهم بحثت عنها كثير وراح اخذها باذن الله هالسمستر كمادة حرة لمسارنا

كذا قلتلك عن 3 مواد حسابية لاتخلو من النظري (بحوث - محاسبة - تمويل )
ومواد نظرية ( مشاريع صغيرة - ثقافات متعددة)

بالتوفيق حبيبتي