[T@RIQ]

المشاركة الأصلية كتبت بواسطة صمتي جوابي11 لو سمحت أخذت بكلامك وحذفت مادة إدارة خدمات صحية وهذه المادة حرة وأضفت العربي 2 طبعا أنا بالمستوى الرابع وماشية حسب الخطة بس حاولت أغير نسرين خيااااط بس ما قدرت هذا جدولي بعد التعديل محايبة حكومية قانون إداري عربي2 ثقافة3 نظرية التنظيم أخلاقيات عمل إدارة خدمة مدنية بس طلب أخير إذا تعرف شيء عن الكتب تبع هذه المواد لاتبخل علينا وشكرااااااا

اهلين : طيب كذا ان شاء الله جدولكي تمام ، لكن زي ماقلتلك 7 مواد يبغالها شدت حيل ، وانتبهي لاتغلب الكثره الشجاعه ، خلي قلبك قوي انا حذرتك.
وخلي خدمات صحيه لاحقه عليها ان شاء الله ، وعلى فكره هيا اختياريه مش حره .
شوفي صمتي هو الافضل انك دايم تمشي على الخطه ، وحتى لو حبيتي تخرجي عن الخطه غيري ماده وحده بس بالكثير مادتين وبعد ماتتأكدي انها مالها ومتطلبات ومافي شي يمنع تأخيرها ، والافضل انك ماتأجلي مواد الا في حالة التعارض او عدم مناسبة الدكتورة ، او لصعوبة خطة الترم نفسه وحابه تخففي من الصعوبه بماده سهله ، مع اني اعتقد ان الخطه في اغلب الاترام تعتبر متوازنه وكمان اذا كانت فيه خطة ترم صعبه تقدري تخففي من صعوبتها بماده حره او اختياريه.
لكن الترم هذا الافضل انك ماتخرجي عن الخطه ، لانك صعب تلاقي 3 مواد ب ساعتين بترم واحد ، واعتقد بعد كذا ماراح يكون عندك بساعتين الا مستويات الثقافة فقط ، عشان كذا انتي موادك هذا الترم اغلبها سهلة ، لكنها كثيره ، وهذي فرصه كبيره لكي لازم تستغليها ، لانك ان شاء الله في حالة جبتي علامات عاليه فيها كلها راح تفرق معاكي كثير في المعدل ، وترم زي هذا مستحيل يتكرر ، وماحتقدري تنزلي 7 مواد بغير الترم هذا بعد كذا ، وماراح يكون عندك بعد كذا ترم مواده اغلبها سهله زي الترم هذا ، عشان كذا اتمنى تكوني عرفتي الفرصه المتاحه لكي الترم هذا وتحاولي تستغليها قد ماتقدري بالدرجات العاليه ان شاء الله.
اما بخصوص المذاكره نصيحه خلي مرجعكي للمواد دائما وابدا الكتاب المقرر واتركي الملخصات اذا تبغي المعدل العالي ، الي يبغى التفوق ان شاء الله لايخرج عن الكتاب المقرر وبعد كذا تحددين المحذوف وتبدأي المذاكره ، وبعد ماتخلصي المذاكره تنزلي نماذج الاسئلة من المنتدى وتبدأي تحلينها بنفسك ، اعتقد ان هذي افضل طريقه للمذاكره.

هذا رأيي ، والله اعلم
تحياتي