هلا جآردينيا إنتي بعد لك وحشة والله
إن شاء الله يآرب ينقبل عذرك ويطلع اسمك بس طمنينآ أول ما ينزل وحاولي ابدأي ذاكري المادة مو هينة
وأثاريك ماخذة نظم من ورآنا ؟؟!! 
يالله على خير وبركة يا عزيزتي انتي الوحيدة اللي طمنتيني على هالمادة حسيت نفسي بديت اهضمهآ 
شوفي أنا استقريت بإذن الله على 4 موارد
نظمـ معلومات إدارية
محاسبة 2
إدارة موارد بشرية بالانجليش >> إن شاء الله يوسعوا الشعب
تخطيط وتنمية موارد بشرية
بآقي لي مادتين ح أضيفهمـ للجدول احضر الدورة التأهيلية بعدها اختار وحدة منهمـ إن شاء الله
محتآرة بين مشآريع صغيرة مع خديجة وبحوث عمليات مع أمل
السبب لأن وقت خديجة ما ينآسبني إني انزل للجآمعة بدري المحاضرة تبدأ 3 أما بحوث نفس الوقت لكن سنترآ
وكمآن محتآرة بين مباديء علوم سياسية كمادة اختيارية و بين ثقافات متعددة المادة يقولوا سهلة وخفيفة
اكيد ح استخير وح آخذ بنصآئحكمـ والله يكتب اللي فيه الخير لنآ ولكمـ
هلا حبيبتي دندونه صبآح الورد ياقمركيف حآلك
إنشآلله ربي يسمع منك وينزلوآ الأسماء ويريحولي قلبي :(
لحد الآن قاعده أستنى ... وأول ماتنزل بإذن الله رح أبدأ مذاكره :)
الحمدلله ياقلبي اني طمنتك من ناحية النظم والله فرحتيني كنت احسك شايله همها مره
إنتي كده معايا في موارد انجلش وتخطيط .. بس حاولي تضيفي كمان مشاريع عشان ناخدها
مع بعض ونعيش الجو مع بعض
ولو جينا نقارن بين مشاريع وبحوث صراحه مشاريع أحلى واسهل على الأقل في النهايه هي ماده نظريه ..
يعني ماتحتاج وقت طويل وفهم وتركيز وحل تمارين زي البحوث !!
وإذا على توقيتها وإنك ماتقدري تحضريها ترى عادي أنا ممكن أحضرها
وأخبرك كل شي أول بأول على قد ماأقدر بإذن الله :)
أقل مافيها نردلك شويه من الجميل اللي قدمتيه لنا الترم اللي فات في التطوير والدراسات والدوليه ..
والله ما انسآلك تعبك الله يجزآك عنا كل خير يارب
طبعا هذآ من وجهة نظري ياقلبي وانتي لك حريه الإختيار وكمان إستخيري وقرري
وربي يكتبلك اللي فيه الخير لك ياقمر
أما بالنسبه لثقافات متعدده صحيح انا سمعت انها حلوه
بس صراحه مدري حسيت من صاحباتي اللي اخدوها إنها حلوه صحيح
بس مو من السهل تجيبي فيها الآي بلس يبغالها شدة حيل >>> الأخت دآفوووره تبغى آي بلسات خخخ
بس كمان لاتعتمدي كلامي وإستخيرررري
والله يكتبلك الخيـــــر ياعسل
والله أنا أضفت النظام السياسي السعودي أشوف الكل يمدحها وربي ييسرها وتكون إختيار موفق ..
إنتي إيش رآيك فيها يادنوووو ؟؟؟
بالله عليكِ والله أول مرة اسمع
يعني يصير هالمواد اللي درسنآها يعتبروهآ لنآ حرة ؟؟
ماعندي أي خلفية إن شاء الله اللي يعرفوا يعطونآ خبر وأنا بسأل كمآن من طرفي وأرد عليك
أما إدارة مبيعات فمآ راح اخذها هالترم بسبب تضييق الجامعة علينا
كل مادة شعبة وحدة الله يجآزيهمـ
صارت متعارضة عندي مع محاسبة 2 وأنا مستحيل احذف المحاسبة خلاص ابغى افتك منهآ
بأجلها للترمـ القادم بإذن الله تعآلى
بالنسبة للمادة الكتاب عندي صديقتي مؤشرة مع الدكتورة فيه اشياء كثيرة محذوفة والمادة سهلة غير كذا انا جربت نجاح سلامة في مباديء تسويق واخذت عندها الفل مارك استاذة رائعة وخلوقة وتعطيك حقك وأكثر
وبس يا عزيزتي هذآ اللي أعرفه عنهآ