 اخيتي عملية التحويل سهلة ان شاء الله
مثل ماذكرت بلير ،،
تتوجهي لعمادة القبول والتسجيل المركز الشامل وتطلبي نموذج التحويل من شباك الاستفسارات
تعبي النموذج ولاتنسي تعبي نموذج اخر اللي هو اخلاء طرف اسئلي عنه تلقينه موجود ان شاء الله الا ان اغلوه حاليا ماادري الترم الماضي كان موجود وعبيته
بعد كذا تتوجهي اول شي مبنى 3 تطلعي الدور الاخير اللي هو الدور الثاني والبعض بيسميه الثالث المهم
تروحي غرفة الادارة المالية تدخلي وتعطيهم النموذج يوقعوه ولو كان في نموذج الاخلاء كمان يوقعوه ويختموه لك
بعدها تتوجهي مبنى 7 كلية العلوم ،، الدور الثالث بالدرج تاخذي يمين وتمشي طوالي لعمادة التعليم عن بعد توقعي الورقة
بعدها ترجعي لعمادة القبول والتسجيل غرفة اظن 15 تبع الشؤون التعليمية
تدخلي توقعها لك ولو في جدول نازل تحذفه لك
بعدها ترجعي لنفس الموظفة اللي عطتك النموذج تسلميها النموذج والاخلاء ان وجد
حتكمل اجراءاتك وحتقولك خلاص روحي كليتك
تتوجهي لمبنى الجوهرة الدور الثاني غرفة اظنها 212 او 211 مااذكر بس مكتوب عليها وحدة التعليم عن بعد والانتساب المطور
تدخلي وتقولي لهم انك حولتي لتعليم عن بعد
وحتثبت تخصصك وتنزلك الجدول ان شاء الله
واذا تبغي تحذفي وتضيفي من عندها مافي مشكلة تعملك اللي تبغيه ماتقولك شي
او اذا تبغي لما ترجعي حتلقين الحذف والاضافة مفتوح لك تقدري تعدلي بجدولك بنفسك
وبما انك رايحة الثلاثاء بعد عملية التحويل طلعا نظام الايميس والسنترا ماحيفتحولك على طول الا اليوم الثاني ان شاء الله يعني ع الاربعاء
لانه لابد من مرور 24 ساعة لتفعيلك على الانظمة بإذن الله تعالى <<< عششان ما تقلقي :)
وبس :)
بالتوفيق
|
ورقه اخلاء الطرف مو مطلوبه
اليوم قلتلها بحول الى تعليم عن بعد اعطتني اخلاء طرف
بعدين قالتلي موظفه اخلاء الطرف اذا كان من انتظــام الــــــى تعليم عن بعد
بس احنا من انتســآب الى تعليم عن بعد فمايحتاج اخلاء طرف
اخلاء الطرف للمنتظمات وعشان تتأكدي حتشوفي بالورقه مكتوب (انتظام)