[ام حمدان]

المشاركة الأصلية كتبت بواسطة little angel مشكورة وايت روز الله يوفقك ولاننحرم منك.. أبغي رأي أم حمدان ونور الله يسعدكم فكشن -شادن شعر-سهام فطاني صوتيات -ليلي هاشم مناهج بحث- نجوى الغريبي سويسو-خولة زهران ومادة العلوم مع مين ؟؟؟مكتوب عندي مقرر حر 302 رمز لأي مادة قصدهم؟؟؟ بنات ايش هي المادة اللي كانت كتابين وصارت كتاب واحد وينفع اضيفها لجدولي أيش رأيكم؟؟؟ والفكشن هل ممكن تعطية استاذة غير شادن لأن والله شايلة همها.....وكيف كانت اسئلتها الترم اللي فات؟؟؟؟ ربيب يوفقكم

هلا عزيزتي

على خبري انك مو كثير متفرغه صح ؟

موادك اوكي بس احس كثير سوسيو مع فكشن وبحث

الفكشن مو صعب لكن طويل حبتين والبحث فيه شغل ومنهجه ايضا فيه دش شوي يعني هالمادتين اكثر اثنين بياخذوا من وقتك

والسوسيو مليان هرج ويحتاج تركيز ووقت خاصه مع مس خوله الظاهر تبغى كوبي بيست لانه درجاتنا في السويو الغالبيه كانت صدمه لهم مادري كيف تصحح رغم ان الاختبار كان حلو وماكان صعب وخرجنا مبسوطين منه !

فما انصحك بالسيوسيو مع موادك هذي خذي حره وعلوم لو كنتي مصره على 6 مواد او فقط وحده منهم لو تبغي 5

الفونتكس على خبري منهجكم تغير عن منهجنا بس إن شاء الله انه ماياخذ منك وقت طويل ومس ليلى اسئلتها حلوه ماشالله ومنوعه وتصحيحها تمام فمافي خوف منها

الشعر مع مس سهام لاتفوتيه المنهج مو دسم ومابياخذ من وقتك كثير تقريبا 19 قصيده افتكر شرحت لنا منها فقط 13 والامتحان ماجا غير عاللي شرحتهم فمهم تعرفوا ايش الي بتشرحه من قصايد في المحاضرات وإن شاء الله يتعاونوا معكم الحاضرين للدورة اسئله مس سهام منوعه وحلوه وتصحيها تمام



عن مس شادن لاتشيلي هم هي في المحاضرات بتوضح كل الي تبغاه مننا وايش طريقة الاجابه الي تبغاها وتعرض لنا اسئله من عندها كتدريب عالامتحان وتقدري تحلي الاسئله وترسليها تصححها حتى تتعلمي من اخطائك وتعرفي ايش تبغا منك بالضبط
وافتكر اسئلة الفكشن الترم الماضي قالوا عنها سهله انتي بس اقري النصوص من الان لانها في المحاضرات تشرح على اساس انك قريتي فمابتفهمي عليها لو ماقريتي



إن شاء الله افدتك ياعسل :)

المشاركة الأصلية كتبت بواسطة alloo99 ام حمدان جبيبتي اقدر اعطي احد بطاقتي ويروح يطلب لي مراجعه للورقه واذا جا موعد اشوف الورقه اروح انا الله يوفقك

قصدك توكلي وحده تكون طالبه في الجامعه تروح القسم وتطلب مراجعة ورقه وتسجل بياناتك بالنيابه عنك ؟

اذا كذا مافي اشكال

موفقين ياعزيزاتي