[gardenia]

المشاركة الأصلية كتبت بواسطة سهاام الليل هلا فيكي قاردينيا شوفي انتي ما كتبتي غير المواد الصعبة في جدولك قوليلي ايش بقية المواد وبعطيكي اللي اعرفه عنها وبالنسبة للبحوث والاستثمار المادتين حلوة للي يحب المواد العلمية بس لاااااازم وحطي مليون خط تحت لازم تمرني يدك على الحل السريع بس ماينفع تجمعيهم في ترم واحد طبعا هذا راي واستشيري زيادة لانه ماخاب من استشااار بس استثمار مع يحر مهراان روعة وكمان نسمة جربتها في مالية شركات والبحوث اخذتها مع امل تركستاني الله يسعدها بس ياليت البنات يفيدوكي زيادة هل ينفع تاخذينهم مع بعض او لا وكمان ابغى اقلك شي بالنسبة للثقافة 4 تراها مو مرة سهلة والله كان يبغالها تكرار عشان تثبت معايا تتكلم عن المهن وشغلات كثيرة بس هي مو زي 1 و2 و3 تقريبا اصعبهم فاذا اخذتيها ذاكريها من بدري طبعا ادارة استراتيجية حتى انا افكر اكنسلها الا اذا نزلت شعبة مع وفاء اليافي وبالنسبة لي هذي موادي المتبقية لي بقسمها على ترمين ان شاء الله تخطيط موارد بشرية انجليش نظم معلومات اللي طال هروبي منها هههههههه الله يستر نوع اجتماعي مادتين اختيارية مادة حرة ادارة استراتيجية الله يستر مشاريع صغيرة بحث وتدريب قيادة وابتكار بس هذي موادي يالله اعطوني خبراتكم وطريقة تقسيم المواد على ترمين موفقة ياااااااارب

هلا سهآم حبيبي يسعد صبآحك ياقمر :)
شوفي ياحلوه حقولك إيش المواد اللي باقيالي إلين التخرج ..

1- تخطيط وتنمية موارد بشريه
2- إستثمار
3- بحوث عمليات
4- إداره إستراتيجيه
5- نوع إجتماعي
6- ثقافات متعدده
7- موارد بشريه إنجليزي
8- قياده وإبتكار
9- مشاريع صغيره
10- ثقافه إسلاميه 4
11- بحث وتدريب ..

الإختياري والحر لسه مآ أخدت منه ولاشي :(

مره كتير باقيلي صح

المهم كتبت كل المواد اللي باقيه لي عشآن آخد رأيك ورأي كل البنات :)

بالنسبه للإستثمار أنا حابه آخدها مع سحر مهران لأني أخدت معها مالية شركات والحمدلله درجتي كانت حلوه وتفآئلت فيها :)
وهي نازله لحد الآن شعبه وحده ومو كاتبين إسم الأستاذه !!
يعني لو مانزلت مع سحر أفضل آخد بحوث عمليات لأنها نازله مع أمل تركستاني وماتتعوض
وفي النهايه المادتين سنترا يعني ماتفرق !!
يصير حاخد منهم وحده بس إنشألله ..

وتخطيط بإذن الله حاخده لأنه شكله مارح تتغير كامليا قد ماأأجلها مافي فايده الله المستعان

إداره إستراتيجيه لو مافتحو شعب مع وفاء أو أي أحد تاني حاحذفها ..

ولازم بإذن الله أضيف موارد بشريه انجلش بس ماني عارفه ليه الشعب حقتها فل ماشالله!!

يعني معقول هذآ العدد الطبيعي للبنات في الشعبتين ولا هم مفللينها إستهبال !!!

بالنسبه لكِ ياقلبي أشوف إنك تاخدي هالترم :
نظم معلومات >> صراحه مدري ليه أغلب البنات بيهربو منها والله الماده حلوه يابنات
ومعلوماتها جدا رآئعه وسهله الفهم وتتعلق بالحاسب
لكن الشي اللي ممكن يكون صعب فيها على البعض إنه فيها تقريبا 85 مصطلح إنجليزي

بس والله كلها مصطلحات حلوه وممتعه للي تحب الإنجلش

>> أماااانه لاتكرهووووني
وكمان خدي تخطيط يعني فرصه معانا عشان نعيش الجو كلنا مع كاميليآ
وموارد إنجلش - ومشاريع صغيره - ولو حابه كمان ماده إختياريه ..
بكدآ يصير عندك 5 مواد .. مدري إنتي حابه تاخدي 5 أو 6
وخلي المواد الباقيه للسمستر الجاي إن شاء الله يكون باقيلك 6 مواد ..

والله يوفقك يآرب ومشكوره حبيبتي على إفآدتك ونصايحك الحلوه الله لايحرمني منك

المشاركة الأصلية كتبت بواسطة دانة رجب جآردينيآ كيفك ياعسل فينك مختفية خلآص خلصت الاجآزة ^.^ طمنينآ كيفك مع الدولية بدأتي تذاكري ولا ولآ ومتى اختبآرك ؟؟؟؟؟؟؟؟ بالنسبة لجدولك تقريبا نزلولي نفس موادك ثقافة 4 ونوع اجتماعي واستراتيجية وكلها بحذفها مو حآبة اخذها هالترمـ إذا بآٌقي لك 3 أترام احذفي الاستراتيجية مع سآمية وإن شاء الله الترم الجآي يغيروهآ خذي بدآلها نظم ما سمعت أحد مدح أو ذم في إقبال صالح يعني ماشي حالها إن شاء الله بصير معاكِ في مشاريع صغيرة وادارة موارد إنجليش وتخطيط إن شآء الله بس قولي يآرب يوسعوا الشعب مقفلينهآ ولسة مابدأ الحذف والإضافة

هلا حبيبتي دآنه والله وحشتيني

كيفك ياقمر وإيش أخبارك ؟؟

والله أنا لسه مأجزززه وماخشيت في جو الدراسه
لسه ياقلبي والله الأسماء مانزلت وطبعا ماحقدر أذاكر إلا بعد نزول الأسماء عشان أكون إطمنت ..

والله شايله هم مايقبلو عذري بس الله يستر يآرب ..
بس هو المفروض تنزل الأسماء هادي الأيام والله كل يوم أشيك وماألقى شي ربي ييسرها :)

المشكله انهم منزلينلي ادارة أعمال دوليه في الجدول والله انرعبت لما شوفتها :(
لكن اللي فهمته إنه النظام ينزلها تلقائيآ طالما لسه ماإجتزتها :)

طبعا لما تنزل الأسماء وأطمئن رح أحذفها عشان أحط ماده تانيه بدالها ..

حبيبي أنا فعلا رح أحذف الإستراتيجيه لو ما فتحو شعب تانيه .. وحاضيف مشاريع صغيره
بإذن الله وموارد بشريه إنجلش ..

طبعا هي الشعب فل بس إن شاء الله تتوسع بإذن الله أنا ناويه آخدها دآ الترم حتى لو بروح أضيفها من الجامعه

وإن شاء الله رح يكون بيننا مواد مشتركه ياقمر

بالنسبه لنظم أنا أخدتها من زمان والله يادنووو يمكن من ترمين تقريبا مع شيماء

الحمدلله الماده كانت حلوه وذاكرتها من سلايداتها والإختبار ماخرج عن السلايدات ..

بس أنا ماجبت فيها صراحه درجه مرضيه لأني ماأعطيتها حقها في المذاكره :(

لكن والله لو كنت شديت حيلي فيها كنت صكيت الآي بلس
بس يلا الحمدلله على كل شيء :)

إنتي ياعسل إيش ناويه تاخدي غير مشاريع وموارد انجلش وتخطيط ونظم ؟؟