[white rose]

المشاركة الأصلية كتبت بواسطة الملاك الأبيض جزاك الله خير وايت روز على هذا المجهود الرائع وربي يجعله في موازين حسناتك يارب انتي وام حمدان ,, ولو سمحتي بسأل هذا خاص بمنهج الفيكشن = القصة صح؟؟ ولو كان كذا يعني انا باذن الله ناوية انزل مادة الفكشن هذا الترم فايش تنصحوني ابدا اقرأ القصص واشتري كتبها من المكتبة لانها تيجي على شكل روايات ,, ولا تيجي في كتاب واحد ولا ايش الهرجة ترى ماني فاهمة شي 0_0

حياك الله ملوكة الحلوة :)
وامين واياك يا عسل
وايوه منهج الفكشن هو نفسو القصة واحنا معاكي كمان راح ننزلها هذا الترم لانو حذفناها قبل
وبالنسبة للقصص هيا ما تجي كتاب لا تفرق مو زي الادب المفروض تشتري النص الانجلش او تقريه من النت ما تفرق حسب راحتك وعادة احنا بنشتريه من مكتبات زي جرير والعبيكان اذا كان متوفر عندهم وزي الترم الماضي ما توفر عندهم فشرينا من الاصلاح اول روايتين ايما + واوليفر نسخ مصورة وروم الكتاب الاصلي اخذناها من خوارزم اللي جو الجامعة اللي في المبنى 12 وتلاقي النصوص بالانجلش والروايات المترجمة والشروحات تبعتها على الرابط :
روابط وملفات لمنهج الفكشن 342 الجديد- لعام 2012/1432 (الفصل الأول)
دوري في كل الصفحات وراح تلاقي كل ما يتعلق بهالمادة وطبعا تقري كل النصوص وبعدها ترجعي على الشروحات والالمنت بس انتبهي هنا بشكل موسع مو زي الادب يعني يحتاج تكتبي كثير ممكن الاسئلة تكون على شكل ايسيهات حسب الاستاذة وبشكل عام كل استاذات الادب يفضلو انك تكتبي من فهمك على شكل مقالات ومع ذلك المس راح تشرح لك طريقة الاجابات في المحاضرات ان شاء الله.
كمان مس شادن الترم الماضي زادت كتاب للبنات عن الفكشن وبداياته زيادة على الروايات اسمو The Rise of the Novel, Ian Watt
وعشان تحمليه [ من هنا ] وما ندري تفرضه علينا هالترم او لا
لكن بشكل عام اقري الروايات والشروحات ومري على اسئلة الاي نوت وحضري حالك تمام عشان تكوني فاهمة مع المس وهيا بتشرح لانو هيا راح تشرح على اساس انو احنا قرينا القصص والشروحات
وبالتوفيق يا جميلة واي سؤال لا تتردي ^_^