رد: السبب الرئيسي لاكمال الدراسة بنظام الانتساب ارجو مشاركتك
انا بالنسبة لي كنت اثبات وجود وقصة طويلة عريضة بداية من تخرجي من الثانوية بمعدل 80 تخصص علمي الى دراستي في كلية علوم البحار ((قدمت اخر يوم بعد الرجعه من السفرة..... كنا عايشين في وهم))ولمدة 3 سنوات وكلام الناس اذا تتخرج بتشتغل في البنقلة تخصص غير ملائم ومن الحكي ذا.... المهم شاءت الاقدار ان الوالد يتعب وقدمت فصل من الكلية وكنت مخلص 72 ساعة وذهبت معه للخارج للعلاج ..... وعند الرجعة وجدت نفسي محبط الناس تناظرني وكانني زبال لا شهادة ولاشي .... المهم قدمت للوظائف الصيفية عشان اشغل وقتي والتحقت باحد فنادق جدة كـ منظف غرف وحمامات الله يكرمكم المهم اشتغلت عندهم انبسطوا مني توظفت رسمي راتب 1750 ريال ومن ثم قدمت للجامعة مرة اخرى ولكن لم يعادلوا ولا ساعة واصلا اخترت تخصص اخر قتم القبول بالرفض ... بعدها قريت في الجريدة عن الكلية التقنية تخصص اتصالات قلت اقدم واكنت ايامها بالمفاضلة عن طريق امتحان اللغة والحمد لله بديت ادرس واشتغل صباح دراسة والعصر دوام يعني من الساعة 6 صباحا الى الساعة 12 ليلا والحمد لله تخرجت بمعدل 4.22 من الكلية ونا انواع الاحباط من ان الشهادة هذي وش باسوي فيها ... وسبحان الله كان احد مدراء شركة الاتصالات يحضر مشاريح التخرج للطلبة وحضر مشروع تخرجي ..... وبعد الانتهاء كلمني المدرس وقالي المديريبي يكلمك وافادني بانه معجب بالشرح والفكرة (( البرج الموجود في اعلى الجبل وانت طالع لمكة بعد مدينة الملك فهد للاتصالات كان من تصميمي انا وزميلي في الكلية اللي انا مديره الان في الشركة !!!!!!)) والحمد لله على كل حال
فاصلة لا مستحيل الا في عقول الضعفاء
|