[الملاك الأبيض]

طرح متميز تشكر عليه واسأل الله ان يجعل فيه الفائدة لكل الاخوة والاخوات
ابدأ بسم الله مع تجربتي المتواضعة في مواد التخصص للترم الفائت :
مقدمة في اللغويات >> هذي المادة حلوة ودمها خفيف لكن الشي الوحيد الي تحتاجه هو المذاكرة المبكرة يعني لازم تقرأ فصولها مرة واثنين وثلاثة عشان ترسخ , ولا ضرر في استخدام الملخصات المترجمة في فهم الاشياء الصعبة بالنسبة لي استخدمت ملخص للاخ الفاضل سطام الله يسعده وكان راائع بكل المقاييس خصوصا انو يوفر حلول الاسئلة الموجودة في اخر كل تشابتر , طبعا هذي المادة هي مدخل للغويات وللمواد القادمة مثل النحو والصرف وغيره فمهم انك تفهمها وتحبها وصدقوني راح تحبوها بس لازم تعطوها من وقتكم .

مقدمة في الادب >>هذي المادة روووعه لسبب بسيط انو بمجرد ماتفهمو العناصر وتقروا القصص بدري ,راح تحسوا انفسكم قادرين على الابداع فيها لانها تعتمد على الفهم وليس الحفظ ولأنو تقدروا تعبروا عن افكاركم بكتابتكم الخاصة وليس المطلوب حفظ نصوص معينة فكانت المادة حلوة بس برضو الافضل انو تبدوا فيها بدري عشان تقروا النصوص وتاخدوا فكرة عنها .

ثالثا من النصائح المهمة بشكل عام في دراسة اي مادة :
1: انو لاتسمعوا لاي اصوات محبطة او مخوفة من المادة الفلانية ومن صعوبة المنهج , لأنو الناس قدرات والي صعب على غيرك ممكن يكون سهل عليك ,ثانيا في كثير ناس تخوفك من المادة وهم مايذاكروها الا قبل الاختبار بكم يوم فمن الطبيعي ان يجدوا صعوبة فيها ,فلن يفيدك الاستماع لمثل هذه الاصوات الا بزيادة احباطك وخوفك وان يصبح الخوف هاجسا يمنعك من النجاح ,فنصيحتي لاتحكم على اي مادة الا لما تجربها وتعايشها مو من خلال كلام الناس عنها .

2- من الامور المهمة جدااااااااااا للنجاح باذن الله هو المراجعة قبل الاختبار ,وصدقوني انو كل الي تذاكروه كوووم ومراجعةيوم الاختبار كووم ثاني ,لانها تثبت المعلومة +تعيد التذكير بها . فحاولو تجعلو يوم الاختبار او ليلة الاختبار لمراجعة كل المنهج وحطوا تحت كل مية خط . لانو من خبرة كنت اروح لبعض الاختبارات بعد مراجعة تشابترات معينة وفي الاختبار تجي الاسئلة من الاجزاء الي ماراجعتها وكنت اتورط بجددد ومعظم الاخطاء تيجي بهذي الطريقة فلو تقدرو تتفادوا هذي الاغلاط فبإذن الواحد الاحد بيكون النجاح قريب من متناولكم بعد توفيق الله وكرمه .
ارجو اني اكون افدتكم وربي يوفقنا جميعا .