[gardenia]

المشاركة الأصلية كتبت بواسطة دانة رجب حيآكِ الله يآ عزيزتي وأكيد انتظرك حاليا حاطة ببآلي محاسبة 2 تخطيط وتنمية موارد بشرية نظمـ معلومات إدارية >> ودي اخذ الادارة الاستراتيجية بدالها لأنها متطلب للبحث والتدريب لكنها نازلة مع سآمية !! إدارة موارد بشرية انجليش إدارة مشاريع صغيرة إدارة مبيعات ( اختياري ) ومثل كل ترمـ انزل 6 مواد واحضر الدورة التأهيلية لهآ وبعد مانخلص اختار منهآ 5 ^^ بسئلك يا عزيزتي تعرفي شي عن أمل تركستاني اذا أخذت معها مشاريع صغيرة ؟ لأن وقت خديجة ضباب للآسف ما يناآسبني ولا أنا ودي اخذ عندها ..

صبآح الورد على كل الورود الحلوه اللي هنآ

كيفك دندونه حبيبي ؟

ومبروك النجآح لكِ ولكل البنوتآت ويآرب يكرمنآ جميعآ الترم الجآي بتعويض مآخسرناه

أو قصرنآ فيه هآدا الترم

أول شي ياقلبو بالنسبه للمحآسبه ماده جدآ رآئعه أنا أخدتها من سنه ونص تقريبا مع د-فاطمه كمال ..

وكآنت من أروع الدكتورات اللي مروآ عليا بهالجآمعه والحمدلله درجآتي معها كانت تفتح النفس :)

بس للأسف مدري ليه مآصارت تمسك شعب للإنتساب !!

ولاتخآفي إنتي مجرد ماتقرأيها رح تتذكري مبآديء المحاسبه والحلو فيها إنها مواضيع مختلفه

ومو مرتبطه ببعضها زي محاسبه 1 :)

أنا أرشحلك المحآسبه إذا كنتي محتاره بينها وبين بحوث عمليآت لأنها تحتاج وقت لمذاكرتها

وطالما عندك ترمين بعد دآ الترم يعني في مجال تأجليها :)

أنا كمان بإذن الله رح آخد إستثمار هآدا الترم واللي بعده بحوث عمليات ..

بس للأسف حتكون نازله سنترآ :(

بعدين انا إستغربت إنك تقولي بحوث مع أمل دمنهوري !!!!

هي أصلا تعطي بحوث عمليات !!! أنا صاحباتي أخدوها كلهم مع أمل تركستاني

ومآشالله كلهم أخدو معاها درجات حلوه وكمان أنا حضرت شرحها في محاضرتين وبعد كده حذفت الماده !!

بس مآشاء الله شرحها حلو يخليكي تصحصحي أما أمل دمنهوري يآلطططططططيف

والله أنا يجيني النوم معاها في إدارة عمليات كنت أنعس بمحاضرتها وهادي نظري ومشينا حآلنا

أما كيف المواد العمليه والله ورررررطه الله لايقولها تنزل معاها


بالنسبه للتخطيط أنا مضطره آخدها عشانها متطلب والله يكون في عوننآ من جد على كآميليا :(

وإدآره إسترايجيه كمان مضطره آخدها حتى لو نزلت مع وفاء أو ساميه

عشآن ما أدري يمكن ربي ييسرها وأقدر أتخرج بعد ترمين وقتها أكون خلصت منها وماتكون عقبه في طريق تخرجي

والله مآ أدري ربي يكتب اللي فيه الخير :)

مشآريع صغيره ياقلبي أنصحك بـ شذى عزي ..

طبعا أنا كمان لسه مآ أخدتها زيك ^^

لكن صاحباتي أخدوها معاها ويقولولي ملزمتها جدا صغيره ودمها خفيف لأنهم كانو عند خديجه ضباب وبعدين حولوا لأنو لقيو المنهج أخف عند شذى !!

وكمان أسئلتها الحمدلله كانت حلوه ودرجاتهم كلهم حلوه :)


نظم معلومات إدآريه أنا أخدتها مع شيماء موسى وذاكرت من سلايداتها بالرغم من انها قالت المذاكره من الكتاب !!

بس والله الكتاب كان مرررعب ومخيف وماني عارفه ايش أمسك فيه وإيش أخلي !!

والله نزلت سلآيداتها وذاكرتها والحمدلله الإختبار ماخرج عنها :)

لكنها للأسف مو كريمه في الدرجات بس شرحها رآئع ومحاضرتها ممتعه :)

أما بالنسبه لموارد إنجلش كمان إختيارك لشاهيناز موفق ولو كان في رنا ديفيا يكون أحلى وأرووووع :)

أنا ما أفكر آخدها دآ الترم مدري أحس عندي زحمه بس لسه رح أفكر وأفكركتيررر

بعدين ياقلبو خدي 6 مواد إنتي إيش خسرانه !!

ولو لآقدر الله ماقدرتي تذاكريهم أو الوقت مآ أسعفك يصير وقتها تحذفي ..

لكن أضمنيلك مكان في الشعب من بدري ..

والله أنا كده أسوي عشان بعدين لاتتفلل الشعب وأندم إني ما أضفتها من بدري

بالنسبه لإدارة مبيعات والله ماعندي عنها أدنى فكره

طيب هي نظري ولاعملي ؟؟؟؟؟

إنشآلله تكون إختيار موفق يآرب

صرآحه كنت متحمسه آخد قياده وإبتكار وثقافات متعدده بس مالقيت أحد مآخدهم

على العموم أنا مبدئيآ بفكر في :

1-تخطيط وتنميه موارد بشريه ..
2-إستثمار..
3-إداره إستراتيجيه ..
4-إدارة مشاريع صغيره..
5-إدارة أعمال في ثقافات متعدده ..
6-محتآره مابين علوم سياسيه أو نظام سياسي سعودي (كمآده إختياريه)..!!

صحيح كلها مواد دسمه بس أبغى أخلصصصص مليييت والله

الله ييسرلنآ جميعآ ويختآرلنا اللي فيه الخير اللهم آمين

بعدين يابنات الشعب لسه ماإستقر وضعها على الأغلب!!

لأنه مو منطقي أبدا يكون في الشعبه الوحده 500 بنت !!

وكمان مو معقوووول إدارة أعمال إنجلش شعبه وحده وبس !!

أكيد هالكلام رح يتغير !!

معلش سآمحوووووني على الإطاله أدري كلامي كتير بس حسيت لازم أقوله كله

تحيآتي لكن ولــيّ عودآت بإذن الله