[Esraa.MD]

شوفي يا قلبي انا حاعطيكي الخلاصة وعلى قولتهم الزبدة

اولا مافي شي اسمو قسم صعب وشي اسمو قسم سهل مثلا انا اشوف علم النفس يجنن وروعة غيري يشوف انه الاعلام سهل وانا اشوف الاعلام صعب يعني في الجاامعة لا يوجد شي اسمو سهل وصعب والله لو مخك مفتووووح بتشوفي سهل ولو مخك مقفل عليكي بالسلام بتشوفي المطالعة صعبة
وازا عالمواد كل كلية الاداب 128 ساعة حبيبتي احنا في الجااااااااااااااااااااامعة وليس روضة او مدرسة مافي شي اسمو مواد كتير مواد سهلة
احنا بنتعلم مو عشان نحط درجات في جيبنا لا عشان ادرس واتعب صدقيني عمرك محا تحسي بالعلم طالما اخدتي بسهولة لكن لو اخدتي بصعوبة والله العظيم حاتحسي انه انتي تعبتي وحاتحسي بقيمة العلم
وبالنسبة للمستقبل والله انتي تحددي مستقبلك نميتي نفسك نميتي خبراتك لك مستقبل مزدهر ان شاءلله والوظيفة قدامك سواء مستشفى مدرسة مؤسسة او سجن
لكن تتخرجي وتبغي الاستاذة تحذفلك وكل شي سهل وتتخرجي بدون خبرة ولا انتي فاهمة ولا عندك خبرات والله اقعدي في البيت يعني كل شي لو مستقبل مو شرط يمكن انا ادخل حاسب او ادخل ادارة او اي شي لكن اكون فاشلة اخرتي في البيت لكن انا ادخل تاريخ ولا عربي ولا اي شي لكن بتفوق وبخبرات وبثقة عالية صدقيني حيكون في مستقبلا زااااااااااااااااااااااااااااااهر وبالنسبة للمسارات لا يوجد لدينا مسارات فقط علم نفس عام ازا حبيتي تتخصصي ان شاءلله في الماستر ولا تفكري انه انا ابغا درجات فكري انه انتي تبغي تتعلللللللمي

انتي ايش ميولك ماتخشي قسم بس عشنو سهل وقسم عشنو صعب لا انتي خشي في الشي الي انتي تبدعي في تحسي انه انتي حاتكوني شي رائع حاتقدمي كل خبراتك كل قدراتك في انتي ممكن تدخلي قسم سهل بس يكون مالك اي خبرة
لا حبيبتي ادخلي القسم الي تحسي انك حاتفجري مواهبك في هل انتي انسانة تقدري تتفهمي الناس ؟ صبورة ؟ متفهمة ؟ عطوفة ؟ عندك قدرة انك تسمعي وتتحملي ااذا اجبتك نعم فاهلا بيكي في علم النفس اما اذا اجبتك لا فاذهبي الى قسم آخر
وانا اسفة عالاطالة وازا في اي استفسار انا حاضرة