[ولد الجهراء .....]

المشاركة الأصلية كتبت بواسطة زهور العشب طيب ليش الى الآن ما انحلت مشكلتهم ؟ من زمااااااااااااااااااااااااااااااااااااان من سنين طويلة وانا اسمع عن البدون و معاناتهم يعني من فترة اتوقع كانت كافية لعمل الاجراءات اللازمة لفرز المستحقين للجنسية من غيرهم ليش تأخرت هالإجراءات ؟ هذا اولا ثانيا امس قريت خبر في جريدة سبق ان 64% من البدون تم التوصل لجنسياتهم الاصلية واغلبهم من الجنسية العراقية ثم السعودية ثم السورية . كيف عندهم جنسيات وهم بدون جنسية ؟ >>> صراحة انلحس مخي و ليش ما توصلت الجهات المسؤولة لجنسياتهم الاصلية الا الحين ؟ ترى انا ما انتقد بس حبيت استفسر عن بعض النقاط

حياج الله أختي


جميله جدا أسألتج


بالنسبه للسؤال الأول : المفروض ان الحكومه كل سنه تجنس من الفين إلى خمس الأف

والحكومه تجنس ولكن ليس كل سنه . وماأدري هالتعطيل من منو !!





أما السؤال الثاني :


فعلا أغلبهم عندهم جناسي وأنا أعرف كثيرين عندهم جناسي سعوديه وأخرى عراقيه


ولكنهم مو مبينين جناسيهم , لأنهم ينتظرون أن يحصلوا على الجنسيه الكويتيه

ولايبون مغادرة الكويت , لحبهم لهاا وللعيشه الكريمه اللي تقدمها الحكومه الكويتيه

لمواطنيهااااا .



وهناك البعض فعلا لايملكون اي جنسيه وهم قله طبعااا




والله يكون بعونهم


شاكر لج هالمشاركه الطيبه