[بنت ناس وقلبي ألماس]

المشاركة الأصلية كتبت بواسطة ضياءالروح السلامم عليكم .. وعليكم السلام ورحمة الله وبركاته... انا هالترم بكون مستوى ثالث وبتسكن إن شاء الله ادارة واقتصاد .. مااخترت هالكليه الا عشان ككل احلااممي انيي ادرس تمويل شركات .. يا رب يتحقق حلمك وتفرحين بهذا التخصص... عرفت انو لازم اكون مستجد اعمال لمدة 3 اترام وبعدها اختار المسار اللي ابغاه سوالي .. ممكن تفيدوني عن اساتذة المستوى الثالث : مبادئ المحاسبة i أنا جربت نهال الجندي لكن نصيحة لا تاخذين معاها خذي مع سحر الجبروني مره طيبه وتعيد في الشرح لحد ما تفهمين وتعطيك اسئلة خارجيه وتحلها معاك... المهارات اللغوية أي استاذه ما تفرق لأن الاختبارات حتكون موحده غير كذا الماده جدا سهله... مبادئ الاقتصاد الجزئي أنا أخذتوا عند محمد البنا ما شاء الله عليه يفهمك المعلومه صح ويخليك تعرفين تحلين من غير ما تحفظين القوانين كلوا رسمه ترسميها وبناء عليها تقدرين تحلين المسائل وكان يعطينا تست بانك من 70 سؤال ويجي زيوا في الاختبار... لغة انجليزية متقدمة i أنا جربتها مع سحر حسان وكانت مره حلوه الماده معاها لكنها حاليا غير موجوده ... إحصاء الأعمال اخذتوا مع الدكتوره تغريد عبد الرزاق كانت مره شرحها حلو وغير كذا تأشر معاها وتعطينا بونس وما عندها مشكله تعيد المعلومه لحد ما تفهميها لكن بعض الاحيان ما ينزل اسمها فانتي وحظك... واش نصائحكم ليا عشان احافظ على معدلي وادخل تمويل .. بصراحه التمويل يبغالوا معدل عالي جدا فأهم شيء تذاكرين أول بأول وما تهملين ولا ماده بحجة انها سهله ... مشكووورين مقدمما ..

العفو يا حبيبتي وبالتوفيق لك...