.
.
.
1. ايش اسماء الاستاذات الممتازات في جميع موادكم " احياء - كيمياء - احصاء " ؟
أحياء مح يفرق معاكي اي دكتورة لأنو كلو في النهايى بيقرؤوا اللي في السلايدات .. انا كنت عند د.فريال وكانت كويسة ...
كيمياء .. د.ليلى الحربي .. احسن منها ما أتوقع في أبدا .. وهيا كمان المنسقة وكمان بتديكم مع كل درس الآسئلة اللي ممكن تجي في الإختبارات وتنبهكم على اغلاط البنات في السنين اللي فاتت ..
إحصاء .. د.ريم الحربي .. شرحها حلو وتحل التمارين بطريقة سهلة وحلوة .. وصحباتي يمدحوا في د.لميس
2. مين الاستاذات الممتازات اللي تنصحوني بحضور السكشن معاها في " الاحصاء - الكيمياء " اذا كان فيه
سكشن للأحصاء بس موجود .. وانا حضرت مرة مع د.لميس واستفدت لأنو الجزء الأول اغلبو نظري .. اما السكشنز اللي بعد كدا بدأ يلخبطني لأنو طريقة شرح الدكتورة كانت تختلف عن د.ريم فبطلت احضرها فحليتها بنفسي وراجعتها مع د.ريم ..
3. الاحياء طبعا المذاكره من السلايدات اللي في الموقع + اسئله التريننج
مذاكرة من السلايدات + مراجعة من التريننق
بالنسبه لي الاحصاء و الكيمياء ... كيف حسيتو الاسئله تجي اكثر شي من الكتاب
سمعت في الدوري الاول لي الاحصاء الاسئله مباشره من الكتاب فقط بتغيير الارقام .. هذا الكلام صحيح ؟؟
الكيمياء ذاكري الكتاب مذاكرة سطحية, وامسكي السلايدات تبع الدكتورة ليلى الحربي شاملة وواضحة مع اسئلة المراجعة حقتها وتلاقيها في الموقع حقها .. وبرضو التست بانك تبع الدكتورة إكرام وموجودة في موقعها
اما الإحصاء .. الآسئلة من الكتاب سواء كانت نظري او لا .. وجات كتير من التمارين والتدريبات سواء كانت في نهاية الآجزاء او اللي في الدروس
4. هل احتجتو لي ملخصات معينه ..؟ من الافضل في الملخصات ؟
ما احتجت ملخصات لأنها برأيي أحسها تلخبط الواحد زيادة .. ما اقدر اذاكر اكتر من مصدر .. بس اذا حبيتي اطلعي على ملخصات جمال السعدي للإحصاء .. الكل يمدح فيها
5. في استاذه في موقعها تنزل محاضرات جاهزه ؟ او تحط في الخوارزم نماذج اختبارات محلوله ؟؟
د.ليلى ود.إكرام يحطوا محاضرات واختبارات واسئلة مراجعة للكيمياء .. حتستفيدي منها كتير .. اما د.ريم ود.شفياء يحطوا نماذج اختبارت للإحصاء .. بالنسبة للأحياء مافي غير السلايدات والتريننق