1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟
اختي قبل سنتين من دفعه 10 هيا درست التحضيري وماشاءالله اخدت معدل جدا عالي ودحين طب وعلمتني كتير عن التحضيري سواء عن ملخصات او طريقه المزاكرة وكنت اشوفها مضغوطه كتير من التحضيري بس كانت بتقولي حاجه مهمه _ بالاجتهاد والمزاكرة اول باول واخلاص العمل لوجه الله توصلي للي تتمنيه __
انا توقعت انها كدا وكانت التحضيري نفس توقعي بس في اشياء بسيطه صدمتني
انوا الجامعه انتي اللي بتجري ورا نفسك بس المدرسه عالم تاني
2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟
طبعا اكيد ___ لانو شهادتها معتمده وتاني حاجه وهيا الاهم اهلي هنا ومستحيل ابعد عنهم
3- هل كنت محدد ميولك وتخصصك قبل ان تبدآ بمشروع التحضيريه ؟
نعم ميلولي صديله وازا ربي ماكتب كليه العلوم كيمياء حيوي بإزن الله
4- رآيك الصريح ف .. / تعاون دكاترة القسم / سهولة المواد / .. "
فيه كدا وفيه كدا مااقدر احكم على الكل
5- دوام التحضيري .. كيف تشوفه ؟ ضغط أو بالنسبة لك أريح ؟
انا بدأت بليفل 4 وكونت اول السمستر دوامي بالمرة قصير ومااحس اصلن اني اداوم وكونت متفرغه كتير لـ دراستي __ يعني متلا اصحى من اذان الفجر وازاكر لحد 9 او 10 واستغل هادا الوقت في المزاكرة خصوصا الاحياء
بس لما درست ليفل 4 حسيت بالمعاناه __ الماده جدن سهله وحلوة وممتعه بس ساعاتها طويله وماتستاهل كل هادا الوقت
6- الاختبارات الدوريه و النهائية .. كيف تشوف مستوى اسئلتهـا ؟
جدا سهله وحلوة وممتعه ماعدا الاحصاء الفاينال كان اشبه بالقدرات 
7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
فيه كدا وكدا زي ماقولت فوق ___ بس قسم الاحياء هما اللي كانوا يشتتونا
انا الحمدالله ماتأثرت بكلامهم وبفضل من ربي والاجتهاد اخدت +a بس هما شتتوا طالبات كتير وانا جدا معترضه على هادا الشي واتمنى مايتكرر هادا الشي مع الدفعات اللي بعدنا
8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
نعم يوازي طموحي وراضيه فيه اكيد ___ السبب زي ماازكرت فوق الاجتهاد والمزاكرة اول باول
9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟
نعم طبعا مفيدا ويحدد الطالب المجتهد من التانوي واللي كان مع نظام الحذف والتأشير
10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟
احلى سنه وتعلمت الصبر وتنظيم الوقت واني اضغط على نفسي بالدراسه حتى لو كونت تعبانه او متضايقه
اني اخلي الدراسه من اولوياتي
11- تكلم عن كل مآده على حدده - بالتفصيل - ؟
الكيمياء هادا حبيت قلبي ماده جدا حلوة ورائعه ومن اروع العلوم بس عيبها طويله حبتين
لاكن بالمزاكرة اول بأول والملخصات والنماذج انا اضمن لكم 100 بإذن الله
الاحياء نصيحه مني تسيبوا كل الاشاعات اللي بتتقال هنا في المنتدى وتزاكروا السلايدز اول باول واتركوا اسئله ومراجعه وهادا الكلام الفاضي
السلايدز وبس وتعتبر ماده لرفع المعدل
الاحصاء ماده حلوة وسهله وخفيفه وتحتاج للفهم وكمان لغه كويسه وتزاكروا من المخلصات تماما اول باول وكمان ترجعوا للكتاب والتست بانك حق الاختبارات اللي فاتت انا كونت اعمل كدا ودرجاتي في الدوريات عاليه
بس الفاينال كانت الاسئله شويه صعبه ممكن الغلط مني الله واعلم
بس فيه طالبات كتير اخدوا فوق 95 ماشاءالله
الانجلش انا بدأت بليفل 4 منهج حلو وسهل وخفيف وممتع وتحس براحه نفسيه وانت بتزاكره انا مااشوف فيه صعوبه والحمدالله اخدت فيه +a
11- نصيحة .. ممكن تقدمها للطلاب المستجدين في التحضيري .. ؟[/align]
ماااتسمعوا كلام الناس والاشاعات الفاصيه اللي مالها داعي
حاولوا تدخلوا التحضيري واللغه 70 % كويسه لاني بشوف طالبات دافورات كانوا في التانوي بس عشان اللغه اتخسوا كتير
اللغه تكون اول شي قبل التحضيري
وتحددوا طموحاتكم ومااتتنازلوا عنو ابدا
والمزاكرة اول باول وتنظيم الوقت وترتيب مصادر المزاكرة واخلاص النيه لله
.
.بشَرررط : الكلآم اللي تكتبووه يككون خآرج من عقلك بدون استخدآم عوآطفكم
لآن الكلام راح يبنى مستقبل الدفعه الجآيه ،، ف آتمنى تكونوا محآيدين ف الردود
[/QUOTE]
اكيييييييييد ولايهمك