[Ӎṝ.7ṂṍṍḊḽ :)]

في البداية احب احط هالموضوع لكل الاجيال الي بتجي من بعدي وتسال عن الدكاترة الي بالجامعة
راح ابدالكم بالدكاترة التاليين بالرغم ان مانزلت الدرجات حقتهم لكن راح اقول كيف وضعية التدريس

1. المحاسبة : بيتر اقمين

هو مدرس امريكي من شيكاغو صراحة اسلوبه جدا رائع بالشرح لابد تفهم انجليزي كلمته الشهيرة هي So far راح يرددها كثير ولازم تفهمها وما تلخبط بينها وبين sofa عشان ماتوسوس في نفسك وتحبه بيقولك كنبة مثل ماكنا مخمنين انا وصديقي في بداية الترم ..
طبعا الاختبارات الدوريات كانت كلها من التست بانك نسخ لصق بالارقام وكلو حتى الاختيارات من التست بانك وبرضو نفس الحكاية النهائي لذلك احب انوه المحاسبة بصراحة ماكانت صعبة لكن المشكلة ماكنت اعرف من فين اذاكر ولا احد ارشدني .. كنت اذاكر السلايدات مثل الاهبل واشوفها طويلة لدرجة اني احاول احفظ الشرايح بالنهاية مليت وماصرت اذاكرها .. لكن مثل ماقلت لكم النجاح بهالمادة سهل جدا لو تذاكر من التست بانك وتمارين الـ Do it فقط

2. أحصاء اعمال : اسامة عارف

للامانة هو انسان طيب معاملته مش بطالة بس شرحوا لك عليه ومو بروفشنل بالميجا ستات يعني يلا يتعلم هو كمان عشان يعلمنا المهم هالمادة عشان تاخذ فيها a+ لازم تحل التمارين بالميجا ستات + تحفظ التعاريف فقط من سوء حظنا انه على دفعتنا حرمونا من 20 درجة بالمتناول وخلوها اختبارات كويزات ومرمطونا عليها مو مثل الشعبة الي قبلنا لكن ماعلينا من ذا كله دامك تعرف تحل بالميجا ستات فمن اول محاضرة افهم تحل بالميجا ستات والدنيا تمطر عليك درجات

3.انجليزي متقدم 201 : أحمد خان
طبعا هالمادة انكرفنا فيها رايتنج وكويزات وحوسنا حوسة مابعدها اول ولا اخر
بس المدرس الي كان معانا صراحة كان طيب جدا وهو كندي لو تشوفه تقول بكستاني
بس انسان جدا محترم جدا جدا جدا وبعيد كل البعد عن الشر من تعامله راح تحس
انه رجل بريء ومتواضع الى ابعد درجة محبوب جدا ومن قلبه يشرح هالمادة

4.لغة عربية : محمد هنادي
هالمدرس صراحة متشدد بالتحضير والغياب احيانا اذا تاخرت عنه 15 دقايق يشوتك من الباب
واذا دخلك اعرف انه ماراح يحضر < نذل
بس هو كشرح وتدريس جيد جدا واذا تبغى من عنده حاجة بالمكتب مايردك ، الي يحب يغيب كثير انصحه لا ياخذ المادة عنده والي ماهي فارقة يسجلها مو خسران شي

5.ثقافة اسلامية : صالح الحربي
ككل دكاترة الثقافة بس يكرروا الكلام بالكتاب بس هالدكتور متشدد بالحضور والغياب شويتين
نفس الحكاية الي يحب يغيب لا يحضر عنده



6.اقتصاد جزئي: خالد ابراهيم السيد
هالمادة هرجها كثير وزبدتها تست بانك لكن مع هالدكتور النذل شمبرنا بالدوري الثاني
والنهائي ما قصروا الدكاترة لعبوا بالتست لعب الله لا يبارك فيهم :( على العموم نصيحة للجيل القادم ذاكروا التست بانك واحفظوا من السؤال للجواب والاحسن انك تفهم بدل ماتحفظ بس اذا مخك متنك ومتحجر فبامكانك تمسك التست بانك مع الدكتور وتحل وتحفظ وبالتالي تعدي الدوري والنهائي وانت جايب فل مارك بالراحة

نصيحة ، عامة .. انصح كل طالب بعدم الغياب لان الغياب عليه درجات في بعض المواد
غير كذا اذا راحت عليك دروس مااراح تقدر تعوضها لا بمدرس ولا دكتور غير دكتورك الي يدرسك لانه بنفس المحاضرة بيحددوا على اشياء ممكن تجي بالاختبار.. طبعا غير الانجليزي الي منسقته حرمة مدري ايش تبغى دي في حياتنا نكبتنا بالقرارات لذلك الانجليزي لاتغيب عنه ولا يوم لانه توقع باي لحظة تقرر الادمية تحفر لكم اختبار