[noonz]

واخيرن لقيت ناس يأيدوا رأيي

كتبت قبل كم يوم رد ف موضوع وقاموا عليا بعض الاعضاء الله يهديهم

ف بداية السنة كوني خارجة من ثانوية + التعليم كله بالعربي ودخلت الجامعة وطبعا التعليم بالانقلش ومنهج الاحياء كنت أشوفه تعجيز وطويل وصعب وكييف ينحفظ

ما أنكر إني كنت أتمنى التست بانك
لمن إختبرت الدوري الاول شفت إن الاسئلة جدا سهلة ودرجتي الحمدلله مرة حلوة عرفت إن مافيه شي مستحيل
ف الدوري الثاني برضه ذاكرت الحمدلله بس نقصت شووية
ف النهائي انا اعترف ان التقصير كان مني , الاسئلة كانت جدا سهلة بس برضو غلطت

للأسف محد يحب يعترف بغلطه , دايما نحب نظهر البراءة ونخلي الاخرين هم الغلطانين

إيش فيها لو شديتو حيلكم ؟
لو شديتو حيلكم من البداية ما كان هذا وضعكم الحين ؟

عالعموم إحنا لسا ف بداية مرحلتنا التعليمية ياليت نخلي دا الشيء يكون درس لنا
وما نعتمد على أحد غير اللـه

بس حبيت أقول شي ,
التست بانك اللي كنا بنجري وراه نظام جدا فاشل وكويس إنهم لغوه
بالله عليكم إيش الفايدة يوم تجي تحفظ هرج هرج هرج وإنت مو فاهم معناه ؟

عالاقل لمن تروح المستشفى أو أي شي تكون عارف شوي مصطلحات وهذا الشي لاحظته كثير إذا رحت مستشفى
على كل حال الله يوفق الجميع وخلاص قضيناها سيرة هو ترم وعدى بخيره وشره ومعوضين ف الجاي بإذن الله