[dr.ro0ody]

المشاركة الأصلية كتبت بواسطة warm ice دكتور نزار هو الشماعة اللي نعلق عليها تقصيرنا بهالمادة . صح؟ :/ والله أنا الأحياء الوحيد اللي ضامنه درجة حلوة فيه صحيح المادة دسمة ويبيلها حفظ ,بس مو بيده إذا كانت هي كذا بعدين أنا أستغرب إن أغلب اللي مسوين بلبلة على هالموضوع حاطين بتخصصاتهم "طب" على إيش طب وانت منت قادر تستوعب biology110 !!! ولاحظت حاجة بجد اشمئزيت منها مبدأ الإحترام مرره معدوم! أوكي أنا أكره الدكتور الفلاني و صحيح هو مقصر ومخطيء بس يظل له كيانه وإحترامه كإنسان ع الاقل! مو سب وشتم وألفاظ إحنا مترفعين عنها ارتقو!

انا معاكي يااختي
ناس كاتبه تبغا طب ومااني عارفه ايش ومو قادرة على سلايدات تحفظها واسأله سهله ومباشرة
اختي في 3 طب بشري والله مااعندهم مصادر معينه يزاكروا منها واسأله خياليه تجي وكمان عندهم فوق 6 مواد زي كدا
والله منهج الاحياء كاامل ماايجي زي 4 شباتر عندهم
انا اشوف كل حاجه قدام عيوني
حتى خرجات معانا ولاحفلات ولاشي << أيام بصراحه اغير رأيي عن الصيدله
24 سااعه بدون ماابالغ تزاكر ودرجات ابدا مو على قد التعب
واقول في نفسي نحن مو قادرين على سلايدات وكمان اسأله مباشرة
معليش انتوا الغلطانين
وهما قالوا لنا من اول السمستر زاكروا من ((((( السلايدات )))))) انتوا اللي كل يوم رايحين الجامعه وانتوا من كثر المظاهرات اللي تعملوها ساروا يطلعوا تريننق وكلام فاضي ونماذج

انا كنت كل يوم ادخل المنتدى وزي ماقال اخوي___ ناس كانت بتقول نحن شله 152 سؤال
بالله كيف تبغوا +a
انا اشوف اي طالب او طالبه تفكيرهم كدا معليش ماايستحق اي كليه صحيه حتى كمان كليه العلوم كتيرة عليكم

والله انا سحححبت على كل الكلام والاشاعات اللي بتتقال هنا في المنتدى وكنت ازاكر السلايدات اول باول من يوم ارجع البيت محاضرة ب محاضرة ومخصصه احد وتلاتاء بالاضافه الى يوم الخميس ازاكر فيهم فقط احياء وبعد ماازاكرهم كمان اراجعهم
والحمدالله اخذت في الميد الاول 29 والتاني ركزت تمام واخدت الفل مارك والفاينال طلع لي 96 وكدا ضمنت +a والسبب زي ماازكرت انا طالبه احلم بصيدله لازم اتعب واكرف واسهر عشان اوصل للي اتمناه ماافي طريق مفروش بالورد
مو اقول انا من شله 152 سؤال او ازاكر شابتر واحد بس من السلايدز وليا عين قويه ابغا اجيب فوق 95 وكمان ابغا طب

معليش لاحد يزعل بس هادا الواقع اللي بيسير قدامي