بسم الله نبدأ
:
1-
وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ -
تكلم بالتفصيل –
كنت أتوقع إنها سنة ( تعجيزية ) بصراحة ،، لأني بعد ما عرفت نظامها ( خصوصاً إنها هي اللي تحدد تخصص الفرد يعني مو بإرادته ) حسيت بقلق شديد ،، و لكن لما تعودت عليها حسيتها ما هي سيئة مرررة ،، لكنها سيئة " حبتين " بس
،، لولا الله ثم وجود دكاترة عباقرة مثل " حبيب الكل " البروف / حمزة أبو جبل ،، كان أمداني كرهت الجامعة بكل موادها و دكاترتها ،،،،،
2-
لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟
نعم ،، لسببين اثنين فقط : * إنه شهادتها معتمدة ،، * وجود البروف / أبو جبل " الله يوفقه "
أما غير كذا فصراحة ما في أسباب مقنعة تخليني أخشها من جديد
3-
هل كنت محدد ميولك وتخصصك قبل ان تبدآ بمشروع التحضيريه ؟
نعم
4-
رآيك الصريح ف .. / تعاون دكاترة القسم / سهولة المواد / .. "
مع البروف حمزة " مش حتقدر تغمض عينيك "
،، أما بقية الدكاترة صراحة تعاملهم مو بالمستوى المطلوب ،، خصوصاً " سيء الذكر " خالد الشوربجي ،، و يشرحون شي و في الاختبار يجيك شي ثاااااني ،، و بعضهم يتنرفز و يصير كذا
لا انسأل من أي طالب و الصراحة مدري ليش ،،
المواد : أنا ما أقدر أتكلم عن مواد خطة " ب " بحكم أني وافد جديد إليها
،، أما مواد خطة " أ " فصراحة يحتاج لها تركيز بما فيها { الحاسب } لأن الأسئلة من بين السطور
5-
دوام التحضيري .. كيف تشوفه ؟ ضغط أو بالنسبة لك أريح ؟
بدون الانجلش : مريح جداً
بالانجلش : متعب جداً
6-
الاختبارات الدوريه و النهائية .. كيف تشوف مستوى اسئلتهـا ؟
الرياضيات : أسهل من كذا ما في و السبب " حمزة أبو جبل "
الفيزياء : ( سلخ ) ،، و يبغى لها تركيز جااااامد 
، و الله يخلي أشرف بركات
الحاسب : مادة غريبة ، الاختبار النظري كل أسئلته تجي من الجزء العملي !! و من بين السطور بعد !! يعني لا تتهاونوا بها أبداً
الانجلش : مادة سيئة جداً ،، و نظامها ظالم ،، و ما حطوها إلا عشان ينزلوا معدلات الطالب للحضيض ،، و أخس شي الاختبارات الصعبة حقتهم ،، و بالذات جزء الـ " lestining " اللي من المفترض إنه يكون في معامل الحاسب حقت معهد اللغة الانجليزية عشان كل واحد يحط السماعات و يسمع تمام و براحته ،، ما يجيك الدكتور معاه سماعات قديييمة و تشوش و يقول لك يلا اسمع و جاوب
7-
رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
حمزة أبو جبل وبس ، و الباقي ياكل خس << مع احترامي للبقية
الإدارة : ضد الطالب دائماً و أبداً ،، و مستحيل يتجاوبوا معاك لو تنط لين السما و ترجع ،، و ما في ناس يساعدونك عشان تاخذ حقك
8-
معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
الحمد لله
9-
مقررات التحضيري .. في أول سنة هل تشوف انها مفيده ؟ او مجرد مواد عامـة ؟
صراحة أشوفها مواد عامة زي الثانوي بالضبط ،، ما تفيدك إلا من ناحية المصطلحات العلمية بالانجليزي ،، أما بالنسبة لمقرر " مهارات الاتصال " فهو مقرر ظااااااالم لأبعد درجة ،، تحل الواجبات و تذاكر و تجري ورا الدكتور و في الأخير ينقصك !! و الله حرام ! 
10 -
بالنسبة لك ، وش اضافة لك التحضيريه حتى الآن من مهارات او اشيآء جديده ؟
لم تضيف لي شيء باستثناء معرفة بعض المصطلحات العلمية بالانجليزي ،، و معرفة كيفية تعامل الدكاترة مع الطلاب
11-
تكلم عن كل مآده على حدده - بالتفصيل - ؟
تكلمت بما فيه الكفاية 
11-
نصيحة .. ممكن تقدمها للطلاب المستجدين في التحضيري .. ؟
الرياضيات عند أبو جبل ،، و الفيزياء عند أشرف بركات ،
اقتراح مهم :
من وجهة نظري إنه تلغى السنة التحضيرية ،، و يحل محلها ( سنة تأسيسية ) لكل تخصص على حدة ،، يعني سنة تأسيسية خاصة بالطب للي يبغوا الطب و .. و .. ،، بدل هالنظام الظالم ،، يعني ما يكفيكم الثنوي و القدرات و التحصيلي عشان تعرفوا إنا نستحق الجامعة ولا ما نستحق !!
و سلامتكم