[maryam.n]

بسم الله الرحمن الرحيم راح اتكلم بصراحة تامة ...

1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

طبعا كأي طالبةمتخرجة من الثنوي من زود الفرح و اني الحين بنت جامعة ومن دا الكلام ,, (قلت الحين انا انقبلت في الجامعة مافي احد قدي ) و كان توقعي انها سهلة جدا و اي احد ممكن يعديها ...........>>> وهدا الشي خلاني اتكاسل جداااااااااااااااااا و بعض الاحيان ادخل الاختبار وانا مداكرة قبلها بيوم !!! و دا كان اكبر اكبر اكبر غلط في حياتي ((اني ما اعطيت السنة التحضيرية حقها و لا قدرتها قدرها))

الواقع :

العكس تماما ... ما يعديها الا الى في راسوا (طموح+جد+اصراااااار ) و اجتهاد ثم اجتهاد ثم اجتهاد
(( في الحقيقة تعتبر التحضيري اهم من المرحلة الثانوية ,, لانو فيها منااااافسة شديدة جدا جدا جدا بدات للتخصصات الطبية و تخصص الهندسة للرجال ,,, فالواحد من اول يوم في الدراسة لازم يشد حيله )



2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

يس بدخل جامعة المؤسس (بادن الله طبعا)

(غنية عن التعريف)


3- هل كنت محدد ميولك وتخصصك قبل ان تبدآ بمشروع التحضيريه ؟

يس

الحمدلله .. وان شاء الله بسعى له رغم العقبات .. والله كريم


4- رآيك الصريح ف .. / تعاون دكاترة القسم / سهولة المواد / .. "

صراحة صراحة صراحة ............. الدكاترة مو كلهم متعاونات وكل وحده تدي شرحها وتجي ماشية ........
لدلك ..

أقول لكل طالب تحضيري مستجد ...........

((( لااااااااااا تعتمد على دكتور ,,,,,,,,, بمعنى ادا دكتورتك كانت سيئة روحي دايركت على وحده ثانية تفهمي منها .. دا شيء

الشيء الثاني ....... اشتري كتب كل ماااادة وسيبيكي من الناس اللى يقولولك ما راح تحتاجيها (((لانها مررررررجع))) + لازم تداكري اول باول من كل المراجع(كتب +سلايدات +نوت في المحاضرة))ادا تبغى فل مارك


5- دوام التحضيري .. كيف تشوفه ؟ ضغط أو بالنسبة لك أريح ؟

ضغط ............ فقط بسبب الانجلش ...

عشان كدا ..
حاولوا في الصيفية تجيبوا الالتس او التوفل و يعادلولك هيا وما تسير تاخد انجلش وتستغل دا الوقت في المداكرة


6- الاختبارات الدوريه و النهائية .. كيف تشوف مستوى اسئلتهـا ؟

صراحة جداااااااااااا سهلة الحمدلله<<<طبعا للناس المداكرة ( الاسئلة ما تطلع عن المنهج ابدااااا ) !! تقدر تجيب فل مارك بالراحة !! طبعا ادا اجتهد مداكرة يوم بيومه


7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

في كده وفي كده ... الزين ما يكمل


8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

لسى ما طلعت ,,, و ان شاء الله ربنااااا كريم مافي اكرم منووو


9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

نعم نوعا ما ......


10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟

ان اكون مسؤووووولـــــــــــــــــــــــــــــــــــــة


11- تكلم عن كل مآده على حدده - بالتفصيل - ؟

الاحياء : مادة رائعة لو مداكرتها اول باول ...... (( و سيبكي من الاشاعات حقت في شابتر انحدف او الاختبار حيجي سهل او حيجي صعب او من الكلام اللى نابع من الطلاب !!!! اللى يودي في دهية ))

الكيمياء : نفس منهج الثنوي لكن صراحة يبغالوا شدة حييييييييييل !

الاحصاء : مادة سهلة لكن غثيثة اكتر ششيء ما تدري وش تبي من الحياة ..
الواحد يقدر يجيب فيها درجات مرتفعة لكن تنجح فيها ادا (((فهمتهااااااااا ))

الانجلش : لا تعليق .. كلو معاد ! سهالة ان شاء الله بس ساعاته غثيثة ادا مع استادة مملة ! و العكس



11- نصيحة .. ممكن تقدمها للطلاب المستجدين في التحضيري .. ؟

1- الاجتهاد و الاصرار .. حتلاقوا عقبات لكن استمررررررروا
2- لا تعتمدول ولا على احد الا لله وحده ... و لا اوصيكم صلاة الليل و الدعاء له مفعول عجيب غريب فجأة تلاقي درجاتك ارتفعت و اشياء حلوة تحصلك هههههههه الحمدلله
3- ادا من البداية ما فهمت مادة وحاولتي تروحي لدكتورة ثانية ومافهمتي ((عندك مدرسات خصوصي + ملخصات + شروح في المنتدى )) و ان شاء الله حالك بيمشي .... لكن الكارثة انك تضيعي نفسك و تسوي القوية اللى حتقدري تجيبي الفل مارك لوحدك !!

اللــــــــــــــــــــــه يوفقنا ويوفقكم و يجعلنا فخر للامة الاسلامية و العربية ...