رد: طآوله التحقيقآت بعد آنقضآء ترم من التحضيرية / - شَآرككونآ - ! =)
1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –
قبل ما ادخل التحضيري كنت متخوف منها كثير .. لان كل المواد او اغلبها باللغة الانجليزية
واتوقعت ان هذا حيشكل عائق وما اقدر ابدع كثير .. لكن بعد ما دخلتها اكتشفت ان اللغة مرة ما تشكل عائق بالعكس يمكن حتى اسهل من العربي -رغم ان انجليزيتي متوسطة- .. واكتشفت انه اغلب الي ادرسه في التحضيري هو تقريبا نفس الي درسته بالثانوي -مع اضافات بسيطة- بس باللغة الانجليزية..
2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟
رغم ان ادارة الجامعة ما فيها ذاك التنظيم والترتيب للسنة التحضيرية وأيضاً مافيها تلك المصداقية بين الادارة والطالب وحتى الدكاترا الا اني سأختار جامعة الملك عبدالعزيز .. تقولولي ليش ؟! .. جـ\ الدراسة في جامعة الملك عبدالعزيز وفي اي جامعة اخرى تعتمد على ( اعتماد الطالب على نفسه) في الدراسة والمذاكرة .. والمحاضرات والدكاترا تفيد الطالب لكن مو كثير .. لانك انت\ي معاك شهادة ثانوية , وبما انك معاك شهادة الثانوية اذاً انت مهيأ لان تدرس بنفسك وتبحث عن المعلومة بنفسك ..>> حتفهموا كلامي اكثر لما تدخلوا الجامعة .. وستحصل عموماً على العلم بالمستوى المطلوب في جامعة الملك عبدالعزيز ولا تسمع كلام الناس الي يقولولك جامعة تعبانة وسيئة بعد عنها .. لانه الي يقولك هذا الكلام طالب مهمل !
3- هل كنت محدد ميولك وتخصصك قبل ان تبدآ بمشروع التحضيريه ؟
اكيد طبعاً لاني حأختار الجامعة الي تمتاز بتميزها وتفوقها في التخصص الي ارغب فيه ..
4- رآيك الصريح ف .. / تعاون دكاترة القسم / سهولة المواد / .. "
بالنسبة للدكاترا فيه الطيب وفيه السيء .. والواحد يحاول قد ما يقدر انه يحضر عند دكاترا طيبين .. وبالنسبة لسهولة المواد .. فــ تعتمد على الثانوية الي درس فيها .. الي درس في مدرسة ممتازة حيحس بالسهولة .. اما الي درس في مدرسة مو مرة عندوا فرصة انه يقوي نفسه ويشد حيله ويسير مبدع كمان..
5- دوام التحضيري .. كيف تشوفه ؟ ضغط أو بالنسبة لك أريح ؟
اغلب الدوام يشغله مادة اللغة الانجليزية .. والله هو ضغط ومتعب .. وانصح الجميع الي يقدر يشد حيله ويختبر التوفل ويقدمه للجامعة ويشيل عنه عبء كبيييييير جدا ويسير دوامه خفيف مرة ..
6- الاختبارات الدوريه و النهائية .. كيف تشوف مستوى اسئلتهـا ؟
على حسب مذاكرتك .. تشد حيلك تسير سهلة مرة واذا اهملت محا تقدر تحل شي
7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
فيه الممتاز وفيه السيء .. لكن اغلب الي منسقين المواد ماهم بذاك المستوى المطلوب
8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
انا خطة ب ومعدلي صراحة يعتبر متوسط والحمدلله .. الاهتمام والهمة = رفع المعدل , الاهمال والكسل =هبوط المعدل
9-مقررات التحضيري .. في أول سنة هل تشوف انها مفيده ؟ او مجرد مواد عامـة ؟
مقررات التحضيري شاملة تقريبا لاي تخصص الواحد يتمناه .. وهذه مشكلة لان بعض الطلاب يبغى هندسة مثلا ويدرس في التحضيري مواد ما يحبها او ضعيف فيها زي الاحياء والكيميا او العكس يبغى طب ويدرس رياضيات وفيزيا او او ...
10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟
رغم ان نفسية الطالب في السنة التحضيرية مش ولابد الا انها تساعده في شد حيله .. وبما انها تحدد المصير فأنا قاعد ابذل كل جهدي عشان احقق اعلى معدل للوصول لهدفي ..
والله الموفق
|