تشكرات اخوي حسان...ولكن بكل امانة الترم الماضي الدرجات غير شكل....واقصد الناس اللي ذاكروا وانت منهم...والكثيرين من الشباب اعرفهم مذاكرين عدل...احسبهم والله حسيبهم...الكل انصدم بالدرجات...وطلبت اعادة تصحيح يجيني الرد بعد ساعه تقريبا 2:00 الصبح "ونص الرسالة يقول لقد تم مراجعة ورقة اختبارك وتبين ان الدرجة المرصودة هي المستحقه" يعني مسوين لنا اوتو ريبلي...وزملائيى في العمل جاهم نفس الرد يوم الجمعه...يعني ابغا افهم هو فيه احد مداوم الساعه 2 في الليل او يوم الجمعه مثلا....شي غريب...أضف الى ذالك السنة التحضيرية الانجليزي انا معدي منهج اصعب من منهج جامغة الملك عبدالعزيز...وطلبت معادلة للمواد اول ماسجلت ..وراجعت شئون الانتساب في مقر الجامعه..في النهاية رفضوا يعادلون اي شي...مو مشكلة الرياضيات ولله الحمد جبت 100 ولكن الانجليزي اجيب 85..وانا معدي 6 مستويات في اللغة الانجليزية وشهاداتها عندي...ومعدي 22 ساعة في اللغة الانجليزية من احد الكليات السعودية..ولا مذاكر الماده عدل ومسويلها مراجعة طيبة جدا...ومراجع حلي مع مدرس لغة انجليزية من اقاربي قابلته بعد الاختبار.."والله على ما اقول شهيد" .عيب..
طيب راجعت مكتب رئيس قسم اللغة الانجليزية ورد علي السكرتير تبعه انه اكتب طلب وعبي النموذج...والين يومك لا تعدلت النتيجة ولا احد بلغني انه تم اعادة التصحيح
بكل امانة لا اريد التجريح في الجامعة ولا اريد تهييج الطلاب...ولاكن اطلب المنطق والموضوعية في الدرجات...الله يستر ثاني مره من الدرجات...
ولاكن عندي عدة همسات:
اولا: موضوع الزيادة في الدرجات هذا الشي موجود في اغلب جامعات العالم ومنها جامعة الملك فهد اقوى جامعة في السعودية...بعد مايتم رصد الدرجات..يتم حساب المعدل للدرجات في الماده.. ويسمونه the average يعني لوكان اغلب الطلاب جايب b+ راح ترفع لهم 10 درجات للكل ويستفيد منها كل الطلاب..وعلشان كذا فيه ناس تندف في الماده.. وهذا الامر ليس سر.
ثانيا:جامعة الملك عبدالعزيز فييها فرق شاسع مابين الان ومابين قبل 27 سنه...تخرجو الكثيرين من عائلتي منها ..يحدثني احدهم انهم كانو يدخلون الاختبار بدفتر ابو اربعين فاضي..يشتريه الطالب ...ويطلع من الاختبار معبي اكثر من نصه...والدرجات علمها عند الله...وممكن الدكتور يرسبك لأنك مادخلت راسه او مزاجه..اسالوا القدامى وان قالوا كذاب طقوني ...ولكن الان فيه نموذج باختيارات يتم رصده اليا يبعد التحيز مع او ضد الطالب.
ثانيا :مناهج الجامعة الان والكتب افضل من السابق بكثير..وبكل صراحه هذا لايعني اننا لانعاني من بعض الكتب اللي يملاها الدش والاخطاء الاملائية والأخطاء اللبيانية.. ولكن افضل من السابق.. واسالوا المتخرجين القدامى واذا قالوا كذاب طقوني.
ثالثا: الدكاتره كان فيه منهم من يسرق بحوث الطلبه..او يكلف الدوافير في القاعه بتسليم بحث معين..في اخر الترم يسلمون بحوثهم...وكان الدكتور يجمع اغلب البحوث ويحطها في كتاب باسمه..ويكتب عليه تاليف الدكتور زمنغشوري في فن الادارة الزمنخشورية...
ولكن الان الاساتذه الكثير منهم فضلاء "وانتم وانا نعرفهم ".
رابعا: جامعة الملك عبد العزيز مرة في حقبه سيئة...رجعتها الى الخلف عدة اعوام...ولكن الان فيه تطور وفيه تطوير وفيه كتب من تاليف اساتذة الجامعه تحاكي فكر الطالب وتعرف مايريد وتعرف سوال الطالب...مثال كتاب الاقتصاد الجزئي...روعة...في المذاكره...وبسبب الجهود صارت تاخذ تصنيفات عالمية...مما يعزز دور الجامعه ومكانتها ..ومكانة طلابها وخريجينها.."وان كنت كذاب طقوني"
خامسا: كانو فيه دكاتره يسوون ملزمه...غصبا عنك يالطالب تشتريها من المكتبه الفلانية في حي الجامعة...وقيمة الملزمة المبلغ الفلاني...وكان الدكتور يقول للطلاب روحوا للمكتبه الفلاني اللي هو متفق معهم واشتروا الملزمة...والحسابة بتحسب 1000 طالب من 40 ريال يطلع له بالترم اوعلى الاسوا في السنة 400,000 ريال ."اسالوا القدامى وان قالوا كذاب طقوني"