[* تركي *]

/

المشاركة الأصلية كتبت بواسطة ميلاد أمة اخ تركي الحممممممممممممدلله اخيرا احس اني فهمتها ^____^ ودي الرسمة عشان اتاكد من فهمي وجزاك الله كل خير^^ http://www.2shared.com/photo/5XQZEgvN/DSC_0508.html

- الرَسمة الأولى :

* نبي نحدد القيم العظمى و الصغرى (المطلقة).


أول شي لازم نحدد المجال الكلي دام اننا نبي (المطلقة) ، والمجال الكلي هذا لازم أيضاً يكون فترة مغلقة. نحدده من الرسمة بكل سهولة يطلع [a,s]. نبدأ الحين نطل في المجال هذا و نشوف وش أكبر شيء و أصغر شي. أكبر قيمة مطلقة تحدث عند s و أصغر قيمة مطلقة تحدث عند r .

* نبي نحدد القيم العظمى و الصغرى (المحلية).


أول شيء كالعادة نبي نحدد مجالنا الي نشتغل عليه. هنا لازم تعرفين انه القيم المحلية لاتحدث أبداً عند الأطراف ، اذاً يصير المجال تبعنا هو الفترة المفتوحة (a,s) ، يعني أي شيء في الوسط غير الأطراف. هنا واضح جداً ان أكبر قيمة محلية هي c ، و أصغر قيمة محلية هي b أو r .

- الرسمة الثانية


* نبي نحدد القيم العظمى و الصغرى (المطلقة).


نلاحظ إن الدالة غير متصلة ، لكن بنفس الوقت نلاحظ إنه المجال الكلي فعلاً مغلق ، لأن دوائر الأطراف مظللة وهذا الي يهمنا. إذاً المجال يطلع [a,s]. نبدأ الحين نطل في المجال هذا و نشوف وش أكبر شيء و أصغر شي. أكبر قيمة مطلقة تحدث عند r و أصغر قيمة مطلقة تحدث عند a .

* نبي نحدد القيم العظمى و الصغرى (المحلية).


المجال هنا مثل ما اتفقنا الفترة المفتوحة (a,s) ، ولا ننسى إن الدالة غير متصلة. نلاحظ إن أكبر قيمة محلية هي b لأن دائرتها المغلقة هي أكبر شي في هالمجال ، و أصغر قيمة محلية هي d أو c





::