[بشائر محمد]

تصدق وإلا ماتصدق .... أنا عاجز عن التفكير
تعال وشوف في عينك غيابك وش عمل فيني
* * *
حبيبي مابقى عندي صبر يتحمل التأخير
رحلت... وعقبك الدنيا غلاها طاح من عيني
* * *
أجاوب اللي يسألني عن أخباري وأقول بخير
وأنا لاخير بغيابك ولا حاجه تهنيني

أنام وشلون ومشكلتي عجزت ألقى لها تدبير
طلبت النوم لحظاتة وعيا النوم يعطيني
* * *
تغير وجهي من أول غيابك وإبتدى التأثير
حبيبي من التعب كافي خذيت اللي يكفيني
* * *
ياأغلى من رحل عني ياكل الحب والتقدير
تعال كان لي عندك معزه وكان تغليني
* * *
تعال إن كنت تعشقني وإذا فعلا تبي لي خير
تعال ومد لي كف الوصل وآمد كفيني
* * *
وإذا كان الجفا واجب بدى من قلبي التقصير
أبيك الحين ترجع لي ولا ترجع تخليني
* * *
أنا ماأقول اللي صار فيني ماهقيته يصير
لأني كنت متأكد بأن البعد ينهيني