أقولك من تجربتي
انا سحبت العام ورجعت دحين وبنفس درجاتي حقت القدرات والتحصيلي .
شي واحد لازم تكون ضامن انو درجاتك حلوة وبتضمن ترجع يعني ماتكون انقبلت على الحفة دي السنة في اخر يومين او شي زي كدا
عشان لاقدر الله لو ارتفعت الدرجات تضمن مكانك . وغالبا ماتطلع كتير بفواصل
المهم لا تضيع عمرك وتكمل , اسحب وارجع السنة الجاية بقوة جديدة وبنشاط وطموح اقوى
لانو من تجربة انا دحين شايفة نفسي احسن بمراحل من العام والعام زي ماتقول كانت دقة خلتني اصحى وانتبه لنفسي
على رأي المثل كل دقة بتعليمه .
بس لو تكمل للترم الجاي لبعد الدوري الاول على الاقل وتسحب عشان تكون اخدت فكرة عن الخطتين
بس انتبه ترا في موعد بعده اذا سحبت ماتقدر ترجع تقدم , وعلى ما افتكر الموعد يكون بعد الدوري الثاني حق الترم الجاي
الي هوا يصادف رجب ممكن .
على العموم انا اشجعك على انو تسحب وترجع تشد حيلك لانه مو مشكلة سنة واحده تروح اهم شي توصل حلمك ولو لاقدر الله ماوصلته اقلها تكون حاولت وسعيت
وفي الاخيير على رأي المثل اللي مكتوب على الجبين لابد تشوفه العين .!
|
الله يوفقك يا اختي بس انا الحمد لله في القدرات جايب اعلى شى 84 اما بالنسبه للتحصيلي 79 يعني تقدري تقولي قويه نسبيآ الحمد لله , انا باكمل السنه دي إن شاء الله لكن قبل الاختبارات النهائيه للفصل الثاني رآح اشوف اهل الخبره هل لي امل آو لآ ,, إذا مالي امل إن شاء الله بآرجع اعيدها من جديد , وسنه تضيع من عمري ولا أضيع طول حياتي , والله يوفقك ويحقق لك اللي تتمنينه
وانا اشجع لمثل حالتي انو ما يستسلم ويتحدى نفسه قبل كل شى ونخلي اخر تفكيرنا إنوا نسحب السنه دي وشدوو حيلكم في اللي جي
والله يوفقنا ويوفقكم في الاختبارات النهائيه