[كريستاله*]

كرستاله انتي بأي درس واصله في كتاب المستويات هو مره حلو ومفيد بس مره كثير واحس انه مو بس عن القاعدات يتكلم وتوني بالدرس الأول ومقهوره اني مااشتريته من زمان والحين ودي استفيد منه ماودي تروح قيمته على الفاضي

ياليت اي أحد قد جرب يذاكر منه يقولنا اش الدروس الي اركز عليها [/quote]


لاتخافي ياقلبي يمديك
صح الكتاب كبير بس تقدري تختصري منه المعلومات المهمه وراح يمدي قدامك لسا وقت ومو شرط تمشي فيه بسرعه كل يوم ذاكري منه قاعده بسيطه عشان ماتنضغطي وعشان تثبت وتدربي نفسك عليها


حسب ماقرأت بتعليمات ستيب ان اهم القواعد الي تجي بالامتحان

الازمنه
افعال المودلز
حروف الجر
قاعدة اف
ادوات الربط
المبني للمجهول
الكلام المنقول

بالنسبه لي الدرس الاول بالكتاب طنشته لانه يعلم نطق الحروف وهالمرحله قد تجاوزناها بس عليك تعرفي ايش هي الحروف المتحركه فقط مهم معرفتها

بدأت من الدرس الثاني الي هو قاعدة تركيب الجمله واقسام اللغه الانجليزيه
مهم تعرفي اقسام الكلام وحالاته لاتضيعي وقتك بحفظ حروف الجر وادوات اربط والافعال الشاذه الي بالدرس الثاني لانها راح تجيك بعدين بدروس كامله ومفصله

انتقلي للدرس الثالث وهو المهم مهم تحفظي كل شي فيهواهم شي الافعال الشاذه لازم تحفظيها بالنص بجميع التصاريف لانه تعتمد عليها اكثر القواعد راح تحتاجي هالافعال بدرس الازمنه ودرس قاعدة اف ودرس المبني للمجهول وكل الدروس تقريبا
اذا ماقدرتي تحفظيها مره وحده انتقلي للدروس الي بعدها واحفظي لك كل يوم 5 افعال شاذه لين تخلصيها وانتي تمشي بالدروس الباقي

بالنسبه للدرس الرابع مااهتميت له لانه مرحله قد تجاوزناها اكيد تعرفي للارقام وبالامتحان ماراح يطالبونا بالتعريف عن انفسنا فأقرئيه مجرد قراءه وراجعي الي مانتي عارفته منه احفظيه

بالنسبه لي وصلت الى هنا ونطيت لدرس حروف الجر مباشره لاني ابغى ادرسها وافهمها بالتفصيل وبعدين ارجع للدرس الخامس وانتي كيفك حروف الجر عقدتني بالامتحان الي فات ذاكرتها زين وفهمت معانيها ولما جا الامتحان رصوها لي ماعرفت اختار اي احد منها ولاعرفت متى تجي ذي ومتى يجي ذا مع اني ذاكرت مواضعها لاكن في بعض حروف تتشابه في المواضع عشان كذا عجبني شرحها بالكتاب هذا لانه يبين لك بالتفصيل ايش الافعال الي ممكن تجي ورا حرف الجر هذا فأي معلومه فيها لاتهمليها لانها راح تساعدك بالامتحان

بالنسبه لحروف الجر ماضغطت على نفسي كل احفظ منها شي عشان استوعبها صح ولاني مشغوله بحظ الكلمات الاكاديميه


نصيحه مني كل معلومه تقرأيها او تذاكريها بالقرامر خذي كراسه واكتبي فيها كل قاعده ذاكرتيها وجزئيها نقاط
واعمليها لنفسك ملاحظات مثل النوته
عشان اخر ايام قبل الامتحان تجمعي كل الملاحظات الي سجلتيها وتراجعي عليها
انا الاختبار الي فات سويت كذا وطبعت كل الملاحظات على هيئة نقاط ورقمتها وسويت 3جداول بالورقه جدول بالازمنه وجدول لقاعدة اف وجدل للمبني للمجهول ونسقتها عالوورد ورحت فيها معايه الجامعه راجعت عليها لين زهقت بعدين تأخر وقت دخول اللجنه وانا خلاص راجعت كان في مجموعة بنات جنبي قالو ايش ذاكرتو ياجماعه قعدت كل وحده تقول والله مادري قريت شي بسيط ومشيت الحال بعدين قالو ماعندكم كتاب شي نراجع منه او نقرأ فيه انا كنت قايمه عطيتهم اوراقي قلت اقرأو منها ورجعوها طبعا من باب المساعده ماابطل لقافه شهقو بالورق قالو ياعييييني ياعيييييني شوفو الناس المذاكره مو احنا مالت علينا عزا الله جبت العيد الوقت حاسني وليتني فلحت الا جايبه درجه تسود الوجه وافشلتي لو يدرون عن درجتي


اكيد بتقولو كريستاله موسوسه وكل شي عندها عين والله يابنات انا مو موسوسه بس احيان تمر على الشخص مواقف فعلا يندم انه ماحرص على قضاءه في الكتمان والرسول يقول استعينو على قضاء حوائجكم بالكتمان ويقول ماخلا جسد من حسد
اذكر اني يوم الامتحان ماجلست جنب وحده وسألتها ايش ذاكرت وقالتلي ذاكرت الكل كان يقولي ولاذاكرنا شي قرينا كم معلومه عالماشي وانا صدقتهم حسيت نفسي الوحيده الي ذاكرت فيهم بس شكلهم خايفين الحسد

امممم ادري قرقرت كثير
بس لاتخافي قدامك وقت انا اصلا قرامر كنت مخصصتله ال15 يوم الاخيره من شهر 2
لاكن بدأت فيه من الان شويه شويه عشان اخفف

وموفقه
دعواتك لي
هاليومين مريضه ولاذاكرت شي