[لصممتي حكممه]

ليه كل هذا التوتر ياعسل ..

استهدي بالله وروقي وسويلك شاهي او كوفي اللي تحبيه وروحي اهدأ مكان في البيت وجيبي معك دفتر وقلم والملزمه

وابدأي بالضمائر احفظيها تمااام لانها اساس اللغه وهيا مررره سهله وماتاخذ وقت وبعدين احفظي ايام الاسبوع بالترتيب

وتأكدي من البنات اذا الاستاذه قالت لهم اذا هيا تبدأ بالسبت او الاحد بعدين احفظي الشهور كمان بالترتيب اذا انتي حافظتها

بالانجلش ماراح تتعبك , احفظي الارقام كتابة لاتستصعبينها لانها سهله وبسيطه وابدأي خذي الملزمه من اول احفظي

تصريفات الافعال "فيه ملزمه شريتها اتوقع من مكتبة دار الهدى نفس الملزمه تبع الكتاب لكن قبال كل صفحه شرحها بالعربي فادتني كثييير " ..

بالنسبه للاسئله راح يجيك سؤال عرفي بنفسك اسمك واشياء بسيطه ,ايام الاسبوع فراغات بالترتيب , الشهور

بالترتيب, الارقام ممكنن تجيبها فراغات بالترتيب او ارقام وتكتبينها بالحروف او العكس ,اسئله عالقاعدات يعني ممكن

تجيب جمله ومكان الفعل فراغ تجيب الفعل في المصدر وانتي تصرفينه وحطي في بالك نوع الفعل والضمير المناسب

ممكن فراغات عالضمائر تجيب جمل وانتي تحطين الضمير المناسب لها مع تكرار المذاكره راح ترسخ الضمائر

لاتخافين واذا كتابكم ماتغير فيه رسمه الآت موسيقيه نحنا جاتنا زي ما هيا ونحنا نوصل وركزي على كتاب التمارين لانه

يساعد كثير ..

حاولي تستمتعين بالماده "انا تعتبر بالنسبه لي احلى ماده في القسم " الله يوفقك يارب ويفتحها عليك وتبشرينا بالنجاح

والدرجه الحلوه اتمنى اني اكون افدتك باللي عندي ..

بالتوفيقــ ..