[asma'a]

انا اليوم قلت دا الاقتراح .. فيه بنات وافقوو وفيه بنات قالولي معليش قدري ظروفنا ؟؟!! اذا انتي تقدري احنا مانقدر ؟؟!!

بعضهم ماعرفت ظروفهم (قد تكون مقنعة ^^) وبعضهم تعذروو بالثقافة ....................!!!!!!

عديتلهم دا الشيء..

دخلت ع الحوسبة استاذة عائشة قالت انوو حيبقى الجدول زي ماهوا .. لأن 5 بنات من 40 طالبة من شعبتها (حسب مافهمت) موو موافقين ع السبت .؟؟!! والبقية موافقين ؟؟!!

الموهيم قالو البنات مو مشكلة نكلم الخمسة هذول ونقنعهم ..؟!!

عدتلهم اقتراح الخميس احصاء ..؟!! قابلت اعتراضات ...!!! وفي نفس الوقت اللي كانو موافقين من أول مااعترضوو ..!!

قمت جبت حل ثاني عشان نشووف ينفع ولا لا ؟؟!!

قلتلهم طيب نبدل مابين الحوسبة والاساليب .. يصير نعكس المواد .. وان شاء الله نقدر نلحق ..!!

وحدة ردت عليا .. معليش اذا انتي تقدري 3 مواد ورى بعض احنا مانقدر ..؟؟!!

قلتلهم والاحصاء حنقدر عليه بعد الحوسبة ؟؟!!

قالتلي دا اهون من الجدول القديم ..!!

وطبعن هما مايبو يوم الاربعاء حوسبة عشان عندهم ثقافة ..!!

وانا عادي امووت يوم السبت ثقافة + حوسبة .. ويوم الاحد احصاء ..؟؟!!

وهما يبوو كل مادة لوحدها .. ومايبوو كمان ثقافة وبعدو خميس احصاء ..؟!!

قمت قلت استاذة عائشة .. معليش انا اسحب توقيعي من يوم السبت .. إذا كل بنت فكرت بنفسها وماهمها غيرها .. وقلت كمان الموت مع الجماعة أرحم .. تموتوو معايا 3 مواد ورى بعض .. ولا اموت لوحدي بعدين ^_^..

واضيع حوسبة لوحدوو ولا اضيع ثقافة + حوسبة + احصاء ..؟؟!!

علما انوو عندي الاربعاء فاضي يعني اقدر اختار حوسبة يوم اربعاء عشان مصلحتي .. لكن مصلحة الجميع دي اللي كل يوم اقوولها ..؟؟!! حسيتها ماتنفع مع بنات يفكروو في نفسهم بس ^^..

اعذروووني على ذا الكلام ..

لكن لعلمكم مااعرف اذاكر مادتين مع بعض .. لكن مصلحة الجميع خلتني ارضى ..

وبعدين يجوو بنات مايرضوو باحصاء يوم خميس عشان عندهم ثقافة ربووع ..؟؟!!

معليـــــــــــــــــــــــش أسحب كل كلامي على مصلحة الجميع ومدري ايش .. لأن دا الكلام حرجع اقوله لما اشووف بنات تقدر بعضها ^^.. موو بنات همها نفسها ^^..

وارضوو بقردكم لا يجيكم اللي أقرد منه ^^..

واذا الكل موافق على يوم السبت حوسبة والاحد احصاء .. من دحين اقولكم انا معترضة ^^..

يعني ي تجيبوو حل فيه مصلحة للكل .. ي يمشي الجدول القديم ونمووت سووى ^^..

يعني موو بس انتوو اللي همتكم درجاتكم وهمكم المعدل .. فيه وحدة اسمها أسماء كمان معدلها يهمها .. وفيه وحدة اسمها أسماء عندها ثقافة يوم السبت لكن عشانكم رضيت .. وفيه وحدة اسمها أسماء كانت معاكم في كل اقتراحاتكم .. ولما جات تقولكم على يوم الخميس .. قلتوو عندنا ثقافة الربوع ..؟؟!!

المشكلة كلامهم يضحك .. يعني ماقدرتوو على احصاء بعد الربوع .. حتقدروو على احصاء بعد الحوسبة ؟!!!

وسامحووني ع الانانية .. لكن لمرة وحدة أبا أفكر في أسماء ^^..

بالتوفيق للكل ..

دمتم بخير ..