[the change]

يا أخواني اللي يبغوا يتحركوا واللي رجال بمعنى الكلمة ويقدروا يغيروا ^_^

إحنا معاكم , ولاتوقفوا


بكرا , انا ومجموعة بنات رايحين لمكتب الدكتور نزار

حنخرج من الجامعة من 8 الصبح ومح نرجع إلا في الظهر


وماحنغير كلمتنا, واحنا معروفين وكلمتنا كلمة رجال والحمد لله وهذه نعمة من ربنا , ما اعطاها لكل احد
وأكيد تفتكروا الهيصة اللي عملوها البنات والاولاد المرة اللي فاتت ومليون وحدة وواحد قالوا حيروحوا ويعملوا ..الخ وولاحد راح ولا شيء , مؤسف مخزي

ولاحد عند كلمته وقد كلمته !


المهم

نبغا أشوف مين منكم ((رجل)) وعند كلمته وحيروح ويغير ويطالب بالتغيير

نحنا بكرا رايحين

............................

لي تعليق بسيط : ياليت مانسميها "مظاهرة"

هو مطالبة بالحقوق وبما فيه مصلحة لنا فقط , لامظاهرة ولاغيره , حتى المسمى مربك وغير جميل وغير محبذ

وشعار الجامعة :"الطالب أولا "

ومادري ايش سووا طلاب جامعة الملك سعود , مظاهرة او غيرها
لكن احنا غير, واحنا حنروح مجموعة طلبة\ طالبات وواحد منهم يتكلم ونشرح وضعنا ونتناقش إلى أن نخرج بنتيجة .. ثم نغادر

بكل احترام وبكل عقلانية وتفكير, ولاشيء غير ذلك



يلا شباب

قبل 12 الليل ابغا اشوف مين منكم حيروح ومتى

ماينفع الطلاب بس يروحوا , او الطلاب فقط يروحوا

نروح كلنا طلاب وطالبات وكل واحد يعمل اللي عليه ومو لازم في نفس الوقت
احنا بكرا , وانتوا لو تقدروا كمان بكرا او بعدوا والافضل بعدو عشان كل واحد يأدي اللي عليه
إحنا من جهة وانتوا من جهة



نبدأ في العمل بدون كلام ومناقشات