[Dreems]

المشاركة الأصلية كتبت بواسطة miss sara السلام عليكم =) بما اني متابعتكم من زمان وشفتكم قلتوا هتتصلوا فأنا كمان اتصلت وجيت اقلكم ايش قالتلي بس اول شيء اقولكم مافي تقديم للأجانب دي السنه يدوي لانو وقت التقديم بابا راح الجامعه وقالوا مافي السنه دي تقديم يدوي الأجانب من النت نيجي للأتصال المحبط مامتي اتصلت ع الساعه 10 وشوية ردعليها واحد وطلب قسم القبول والتسجيل وردت عليها وحده إسمها ايمان ماما سألتها عن القبول وكذا وقالت انوا ماعندها فكره وطلبت من ماما رقم الإقامه والنسبة وقالت انها هتسأل وقالت لماما اتصلي بعد ساعه ماما رجعت ع الساعه 12 اتصلت عليها وقالتلها مافي اسمي وإنهم وقفوا لعند الـ90 بس وقبل فتره في واحد نعرفه في الجامعه قال نفس الكلام بس هو كلم العميد وقله هما أول شيء بيقبلوا لحد الـ90 وبعدين في ناس مابتيجي يعني بتكون سجلت في مكان ثاني او ماتبغى وبيبدأوا بعد كده ياخذوا أقل من التسعين ولشخص دا بيقول انو الأسامي جات من الرياض بس لسه ماأعلنوها * بس ع الكلام اللي شفته هنا اللي بتقول انو اختها شافت الورقه وكده حسيت انو اللي اساميهم طلعت دولا بس حقون المنحه حقة السفاره وسألت مامتي هيا سألت عن الجنسيه ولا لأ قالتلي لأ ماسألت وماما كمان سألتها اذا النسب هتنزل ولا لأ قالت ماتعرف ! اكبر قهرر انو نسبتي 89,49 < فرقت نص نسبه هههههه اللي فوق التسعين يحطوا في بطنهم بطيخه صيفي :p ان شاء الله هيكونوا مقبولين واللي تحتها يدعوا وان شاء الله ربنا هيسهلنا امورنا ويخترلنا الخير ولا تتحطموا ان شاء الله يطلع كلامهم غلط ويكونوا يقصدوا منح السفاره ^ لا أحد يدعي عليا بس حبيت اقلكم ايش صار معايا وان شاء الله كلنا نكون من المقبوليين

تسلمي مس سارا ريحتيني والله كنت شايله هم حكايه التقديم اليدوي ومدري شو