[6fshana]

رنا أو أي احد بيستفيد معلومات من خطه ب

أول شي أبدأو الترم وانتو متفااااااائلين

أبدا لا تتحطموا ولا تفكروا انها صعبه

أي احد تسمعوه يقول كلام سلبي لا تخليه يأثر عليكي أبدا

انتي بس شدي حيلك أول بأول

لو ما قدرتي تذاكري مو مشكله حاولي على الأقل تسترجعي المعلومات اللي اخذتيها

يعني لا تعتمدي على فهمك في المحاضره وبس وما تشوفي المحاضره الا وقت الاختبارات لا

رتبي وقتك واسترجعي الأشياء اللي اخذتيها حاولي تربطي بين الأشياء في دا الدرس ودا الدرس كذا يعني

شوفي الكيميا ان شاءالله ما بتواجهي صعوبه بالبدايه جدا سهل بتدرسي الكتله والوزن وتحويلات القياسات ومدري ايش اشياء درسناها من أول بس انجليش طبعا بس ما تواجهي مشكله ان شاءالله فيه

بعدين لما تبدا دروس الجدول الدوري بدايتها مره سهله الخصائص اللي فاكرتها الحجم الذري والألفه الالكترونيه والسالبيه الكهربائيه متى تزيد ومتى تنقص ودي الأشياء برضو سهله

بعدها التوزيع الالكتروني على ماعتقد
والباقي كله بعده يكون واضح بس ((( لا تهملي شي أبدا ))) حتى في الكيميا حاولي تكوني عارفه ايش بتاخذي داااااايما

ان شاءالله ما تواجهي مشاكل يا عسل

الاحصاء

الاحصاء منجد منجد رح اقلك لاااااازم أول بأول يعني منجد يعتمد على فهم كللللله واذا تكوني فاهماه صدقيني بتحسيه سهل

وحاولي تكوني مركزة مع الدكتورة دايما وحاولي تحلي الاكسرسايز والريفيو اللي ورا كل شابتر وتعطيها اياها الدكتورة تصحح لك ايها بس قبل تعطيهم اياها انصحك تصوريها وتعطيهم النسخه لأن ما تضمنيهم وكثير بنات ضيعولهم اياها

يعني ان شاءالله لو انتبهتي على نفسك مارح تتعبي

نجي للأحياء

الأحياء اللي يفجع كميته بس لأنه مررررررررره دسم
صحيح اعطونا بنك أسئلة وقلقال نذاكر منه بس وكذا بس أسئلته مرررررررررره مره مره كثير

واعتقد سمعتي معاناتنا ووصلتلك ^^ لكن أعيد كلمتي وأكررها لا تتفجعي والله كله في الأول وفي الاخر يرجع لك انتي

شدي حيلك

اذا كان عندكم بنك أسئلة انتو ان شاءالله نصيحتي بكل محاضره خلي معاكي الأسئله اللي تخص الجزئيه اللي بتشرحها الدكتورة واذا في أشياء تكتبها الدكتورة على السبورة اكتبي معاها في نفس الملزمة وراجعي كل سؤال معاها عشان يسهل عليكي في الأخير تكوني شايفه الأسئلة قبل كده وتكوني فاهمتها أحسن من ان كأنه اول مره تشوفيها

وان شاءالله ان شاءالله يارب تدرسك دكتورة حناااااان ^^ قولي امين

لأن ما عتقد رح تكرهي الأحياء بالعكس رح تحبيه ودكتورة حنان ربي يعطيها العافيه كانت تشجعنا دايما الله يسعدها يارب

وبس تقريبا هذي موادنا

يمكن ما وضحت لك أكثر ايش درسنا بس هذي شوية نصايح من أختك ^^ قبل ما يبدا الترم

واتوكلي على ربنا وخلي نفسيتك مرتاحه ابدا لا تخاااااااااافي ولا تشيلي هم لأن حتتعبي أكثر ^^

وبالتوفييييييييييييييييييييق يا عسل

وان شاءالله غيري يفيدك أكثر